O escritor Manuel Vázquez impartirá 50 obradoiros e charlas interactivas ao longo do ano
Lugo, 9 de abril de 2025. A área de Rural da Vicepresidencia da Deputación de Lugo pon en marcha a segunda edición do programa “A vangarda está na aldea”, dirixido a revalorizar a tradición cultural do rural e remarcar as súas potencialidades parao futuro.
Tras a boa acollida da primeira edición, que se centrou nos centros de ensino secundario, o proxecto amplía a súa cobertura, e ofrecerase tanto a institutos como a clubs de lectura e colectivos asociativos e veciñais.
Trátase de charlas interactivas artelladas arredor de materiais fotográficos e literarios, como as fotografías de Carlos Valcárcel, Ton van Vliet, Antón Beiras, Ruth Matilda Anderson ou Ian Colquhoum, que retrataron desde distintas perspectivas a Galiza rural do século pasado, e a novela “O pracer da chuvia” do escritor polense Manuel Vázquez, que se encarga de impartir as actividades.
O deputado de Rural Daniel García explicou que “A Vangarda está na Aldea é sobre todo unha aposta polo futuro, por transmitir a tradición cultural do noso rural con optimismo e confianza para reforzar a proxección deste tecido económico e social que xera actividade e vida no rural”
Nese sentido, explicou que “o proxecto complementa os obxectivos do programa “Da Escola á Granxa”, que permitiu nestes 3 anos de vida achegar a 18.000 nenas e nenos de toda a provincia un catálogo formativo orientado á formación rural no ámbito da educación infantil e primaria, a través das anpas de toda a provincia de Lugo”
Manuel Vázquez sinalou que “non so é importante fomentar o relevo xeracional nos proxectos agrícolas e gandeiros, senón que tamén é decisivo que no urbano se mire cara ao rural como un valor cultural, económico e social que nos da particularidade como pobo. Debemos saber que o noso é un rural moderno, que ten como base a cultrua labrega tradicional e que se enriquece coa formación científica e técnica. Ademais cada vez resulta máis factible teletraballar e desenvolver diferentes profesións desde o rural. A aldea ten futuro, diferente do seu pasado,pero conectado con el”, concluíu.
O programa, que se complementa coa distribución do libro “O pracer da chuvia”, despregará un total de 50 obradoiros ao longo do ano Os primeiros, celebraranse no CPI de Guntín (14 de maio), no CPI do Saviñao (20 de maio) e no IES Lama das Quendas de Chantada (23 de maio).
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
