A actividade, na que se recollerán alimentos que se entregarán á Cruz Roja e ao banco de alimentos, terá lugar este mércores, a partir das 11:00 horas nas pistas de atletismo municipais e contará con máis de 300 participantes dos centros educativos do municipio e de diferentes entidades e colectivos, como Saúde Mental A Mariña, Aspanane, o centro de Día Residencia, un evento no que tamén colaboran DJ Ovo, Alcoa, ou LULADOM
Cervo, 3 de febreiro, 2026. O Concello de Cervo pon en valor a iniciativa “Corremos xuntos, chegamos xuntos”, unha xornada deportiva e de convivencia organizada polo CEIP Península da Paz con motivo do Día Escolar da Paz, e que conta coa colaboración do Concello, coa que se pretende promover valores como a inclusión, a solidariedade e o respecto a través do deporte.
A actividade, inicialmente prevista para o pasado 30 de xaneiro, cando se conmemora o día propiamente dito, tivo que ser aprazada debido ás condicións meteorolóxicas adversas e celebrarase finalmente mañá mércores 4 de febreiro nas pistas de atletismo municipais.
A iniciativa foi presentada nun acto no que participou a alcaldesa de Cervo, Dolores García Caramés, o concelleiro Adrián Arias, e por representantes do CEIP Península da Paz, centro organizador do evento, así como por representantes dos diferentes centros educativos, entidades sociais e demais actores implicados na organización e desenvolvemento da xornada, como o CEIP de Cervo o IES Marqués de Sargadelos, o Centro de Día Residencia, Aspanane, Saúde Mental A Mariña e DJ Ovo, que se encargará de amenizar o evento, no que tamén colaboran Alcoa e LULADOM.
O programa da actividade inclúe a recepción e entrega solidaria de alimentos, a lectura de manifestos con motivo do Día da Paz, distintas carreiras adaptadas ás idades e colectivos participantes, así como unha merenda e un baile final. A xornada pecharase cun acto de agradecemento e cunha canción conxunta como símbolo de unión.
Desde o Concello de Cervo destacan a relevancia deste tipo de iniciativas, que contribúen a reforzar valores educativos e sociais fundamentais, e agradecen o labor do CEIP Península da Paz, así como a implicación de todas as entidades, centros educativos, voluntariado e colaboradores que fan posible esta actividade.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
