Foz, 8 de abril de 2026. O alcalde de Foz, Fran Cajoto, enviou hoxe, mércores, un escrito ao conselleiro de Sanidade para preguntarlle se ten previsto pechar o centro de saúde focego os sábados. Tamén lle fixo chegar esta misiva ao xerente da área sanitaria de Lugo, A Mariña e Monforte de Lemos.
“Diríxome a vostede moi preocupado pola información aparecida no día de hoxe no xornal La Voz de Galicia, na que se informa que o centro de saúde de Foz deixará de contar con servizo de urxencias os sábados pola mañá -actualmente estase prestando, en horario de 8 a 15 horas. Segundo a información que traslada o medio de comunicación, a ampliación de horarios nos Puntos de Atención Continuada (PAC) provocará o peche do Centro de Saúde de Foz os sábados”, explica no seu escrito enviado ao conselleiro de Sanidade o rexedor municipal de Foz, que engade: “a lista de agravios sufridos en Foz é moi longa. Na área sanitaria de Lugo, A Mariña e Monforte de Lemos, hai servizo de urxencias en atención primaria (PAC) en Lugo (2 para 100.143 habitantes), Viveiro (15.120 habitantes), Burela (9.630 habitantes), Ribadeo (10.022 habitantes), Mondoñedo (3.303 habitantes), Vilalba (13.852 habitantes), Meira (1.773 habitantes), Fonsagrada (3.073 habitantes), Guitiriz (5.180 habitantes), Outeiro de Rei (5.420 habitantes), O Corgo (3.366 habitantes), Becerreá (2.836 habitantes), Navia de Suarna (976 habitantes), Pedrafita do Cebreiro (868 habitantes), Folgoso do Courel (921 habitantes), Sarria (13.726 habitantes), Guntín (2.501 habitantes), Palas de Rei (3.227 habitantes), Melide, Chantada (8.171 habitantes), Monforte de Lemos (18.933 habitantes), Quiroga (3.040 habitantes). Non así en Foz, que con 10.329 habitantes oficiais a 2025, é por poboación o sexto concello da provincia e o segundo da Mariña. Somos coñecedores que os Puntos de Atención Continuada (PAC) non se distribúen só en función da poboación senón que se teñen en conta criterios de tempos de desprazamento aos centros de saúde. En calquera caso cremos absolutamente necesario un Punto de Atención Continuada en Foz, dado o volume de poboación (10.329 habitantes oficiais segundo o INE), a estacionalidade e o enorme aumento de poboación en época estival (28.000 – 30.000 persoas nos meses de xullo e agosto) e a tendencia de aumento continuado de poboación en Foz das últimas décadas -sendo significativo o incremento da poboación envellecida, a que máis precisa atención sanitaria. A ausencia de PAC en Foz fora compensada hai vinte anos coa incorporación dun médico en época estival -servizo que foi suprimido- e co servizo de urxencias os sábados en horario de mañá, servizo que se quere suprimir”.
Fran Cajoto engade: “outro agravio con Foz e o seu entorno foi a eliminación sen motivación algunha -agás a económica- dun técnico de emerxencias sanitarias na ambulancia medicalizada, esixindo a sociedade e clase política do Concello de Foz de xeito unánime unha dotación completa de catro traballadores para que puidesen prestar o servizo de forma axeitada, demanda que non foi atendida. A ausencia de PAC e a normativa actual, provocou que Foz deixe de contar desde o 1 de xaneiro deste ano 2026 con farmacias de garda en horario nocturno, perdendo un servizo que consideramos fundamental ante calquera emerxencia.O Concello de Foz non dispón de ningunha información oficial sobre o avance dos trámites de ampliación do centro de saúde, despois das reunións mantidas. Creemos importante que nos soliciten toda a información que precisen para a ampliación do centro de saúde e teñan en conta a súa adaptación como Punto de Atención Continuada para poder prestar un servizo de urxencias no propio concello”.
E o alcalde de Foz remata o escrito ao conselleiro de Sanidade así: “por todo o anteriormente exposto, solicitámoslle: confirme ou desminta a información recollida en prensa sobre a previsión de supresión do servizo de urxencias no centro de saúde de Foz os sábados en horario de mañá que se recollerá nun próximo decreto. En caso de ser certa, modifiquen o borrador de decreto pendente de publicación para que en Foz se manteña os sábados o servizo de urxencias en horario de mañá no centro de saúde. Se inicien os trámites para converter o centro de saúde de Foz nun punto de atención continuada (PAC) polas motivacións expostas anteriormente. Se restitúan de urxencia todos os servizos sanitarios suprimidos en Foz desde o ano 2005, tendo en conta o aumento de poboación do noso concello e o envellecemento da mesma. Quero informalo que desde o Concello de Foz promoveremos e apoiaremos todas as accións posibles para evitar a discriminación e o menoscabo na atención sanitaria das nosas veciñas e veciños, tanto políticas, que serán levadas ao próximo plenario e elevadas para o seu tratamento no Parlamento de Galicia, como de mobilización cidadá. Prégolle encarecidamente que rectifiquen de ser certas estas informacións e que teñan en consideración as necesidades dos habitantes de Foz”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
