Mondoñedo, 8 de marzo de 2019 . O expediente de depuración de saldos do Concello de Mondoñedo procedente da liquidación do ano 2018 aflora un remanente de tesouraría de 1.152.009,29 euros. O Goberno local cumpre no exercicio de 2018 coa regra de gasto, a estabilidade e o nivel de débeda.
O remanente de tesourería para gastos xerais unha vez depurados os saldos e pechado o exercicio de 2018 ascende a 1.152.009,29 euros. O Concello de Mondoñedo, que dirixe a popular Elena Candia, realizou un investimento en estabilidade de 667.552,86 euros, destinado a gastos xerais.
Préstamo para o pago a provedores
A alcaldesa avanza que este mesmo ano “podemos chegar á débeda cero” derivada do préstamo para o pagamento a provedores, ao amortizar a contía pendente co remanente de tesourería.
O Concello contraeu un préstamo para o pagamento a provedores no ano 2010 no marco do Plan de Axuste municipal. O importe total dese préstamo era de 1.354.950,90 euros, mentres que a contía amortizada desde o ano 2015, coa chegada do Goberno do PP, ascende a a 922.816,16 euros.
O que queda por amortizar, 432.134,64 euros, podería amortizarase este mesmo ano con cargo ao remanente de tesourería, de maneira que a débeda do Concello de Mondoñedo derivada do préstamo do pagamento a provedores quedaría a cero.
Os datos, froito dunha boa xestión
O Goberno local remata, deste xeito, un expediente administrativo complexo que reflicte a solvencia económica do Concello para afrontar as súas débedas cun remanente positivo.
A rexedora destaca o resultado da liquidación do ano 2018, froito dunha boa xestión, ao tempo que agradece o traballo dos servizos xurídicos e económicos do Concello.
O expediente de depuración de saldos do Concello de Mondoñedo aflora un remanente de tesouraría de máis de 1,1 millóns de euros
Relacionado
-
O luns abre o prazo de inscrición para levar os enanitos dos cabezudos nas festas patronais de Viveiro
-
A Xunta destina 96.000 euros á Federación de Confrarías de Lugo para reforzar o sector pesqueiro en 2026
-
O BNG pide un estudo sobre a vivenda e un rexistro das VUT para afrontar a crise residencial en Ribadeo
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
