Burela 18-5-19. As Guerreiras Laranxas regresan a terras galegas cun novo botín de tres puntos para seguir na loita polo todo. Non o tiveron doado esta tarde na pista do UCAM ElPozo Murcia (3-5), pero conseguiron sacar adiante un partido no que lles custou entrar, moi táctico, e con gran presenza de xogo de cinco en ambas as filas.
Ao Pescados Rubén Burela FS custoulle salvar a presión proposta polas locais nun principio e para iso tivo que recorrer á porteira xogadora. Así abriu o marcador no minuto 14, nas zapatillas de Cami, un gol co que cambiou a dinámica de xogo. As mariñás controlaban a cita, con numerosas ocasións, aínda que non coa fluidez habitual; así tiveron que conformarse coa renda de 0-1.
O UCAM igualou a contenda no minuto 24, con Pepa, nunha segunda parte onde o protagonismo foi para as porteiras xogadoras. Un minuto despois, Cilene cun disparo ao bordo da área anotaba o 1-2. Superada a medianía do período, o conxunto lucense volvía optar polo xogo de cinco; Bea Mateos anotaba o 1-3; pouco despois, desde fóra da área, Pepa recortaba de novo distancias. A catro minutos da conclusión, coas galegas seguindo co xogo de cinco, aumentaba a súa renda cun gol de Pepa en propia meta e a tranquilidade levábaa Jenny, rapidamente. Xa no desenlace Patri desde fóra da área subiu o definitivo 3-5.
Ficha técnica
UCAM ElPozo Murcia FSF: Irene, Toñi, Pepa, Patricia, Rocío, cinco inicial; tamén xogaron Noelia, Mª.del Carmen, María, Lola, Susana
Pescados Rubén Burela FS: Ana Romero, Dany, Peque, Lara Balseiro, Bea Mateos, cinco inicial; tamén xogaron Cilene, Cami, Jenny, Luci, Popó, Jozi
Goles: 0-1, minuto 14, Cami; 1-1, minuto 24, Pepa; 1-2, minuto 25, Cilene; 1-3, minuto 32, Bea Mateos; 2-3, minuto 36, Pepa; 2-4, minuto 36, Pepa (pp); 2-5, minuto 37, Jenny; 3-5, minuto 39, Patricia
Árbitros: Hervás Soria // Vega Martínez. Por Burela amarela a Peque (minuto 14).
Incidencias: Partido correspondente á xornada 28 de Primeira RFEF Liga Foro 16 Feminismo disputado en pavillón José María Cagigal.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
