Santiago de Compostela, 10 de febreiro 2021. Peno. A portavoz en materia de pesca do BNG, Rosana Pérez instou hoxe á Xunta a iniciar os trámites diante do goberno do Estado para o recoñecemento de Galiza como “zona altamente dependente da pesca”, demandar xestións para promover a revisión do chamado “principio de estabilidade relativa” cara un reparto equitativo e axustado ás capacidades produtivas de cada país, instar ao goberno do Estado ao recoñecemento da capacidade directa de negociación de Galiza e da súa participación e consentimento naquelas cuestións de especial relevancia para a súa economía, nomeadamente en materia pesqueira, programar plans de continxencia e de apoio económico e social para o sector pesqueiro e as zonas máis afectadas polo recente acordo entre a UE co fin de paliar as consecuencias puntuais máis inmediatas do mesmo, promover unha comisión no parlamento galego sobre o acordo e dar cabida as forzas políticas con representación parlamentaria no Consello galego de Pesca onde se abordan as consecuencias do Brexit para o sector pesqueiro galego.
Os puntos 1,2,3 e 4 da proposición non de lei defendida pola deputada nacionalista acadaron o apoio da Cámara, agás os puntos 5 e 6 relativos a crear unha comisión parlamentaria sobre o Brexit e incorporar a un ou unha representante das forzas políticas parlamentarias, ambos puntos rexeitados polo grupo maioritario do Partido popular.
Na súa intervención, Rosana Pérez recalcou que o sector da pesca galega leva “en modo Brexit” dende o ano 86 e apelou “ a non fiar todo ao Fondo de Compensación para salvar “o fiasco” para a pesca galega por mor do acordo da UE co Reino Unido.
Tras a intervención da portavoz popular, Teresa Egerique, a nacionalista criticou “a submisión” do PP ás directrices da Unión europea e lembrou a frase da conselleira de Mar, afirmando que “vai a ver que pensar en fixar unha cota mínima de pescadores para garantir a súa sostibilidade”. A nacionalista afeou a tibieza do grupo parlamentario do Partido popular á hora de votar a iniciativa do BNG. Vostedes, dixo, votarán a favor de todos os puntos relativos ás demandas a outras administracións pero o punto seis, dedicado a exercer as competencias galegas, “aí non me lo toquen”, ironizou.
O PP, remarcou Rosa Pérez supera á Unión europea no principio de estabilidade relativa. Por outra banda, engadiu que ter presenza no Consello Galego de pesca, non é “ningún favor que nos faría o goberno galego” está recollido no propio decreto e respondeulle á portavoz popular que demandar a presenza das forzas políticas no consello non obedece á intención de querer intrumentalizalo como previamente afirmara Teresa Egerique. O único que instrumentaliza o Consello Galego de Pesca é “o goberno galego” que dirixe as decisións deste organismo.
A parlamentaria salientou que a proposta do BNG foi elaborada con tempo, seriedade e o rigor que merece o asunto. “Non é unha enumeración de acordos conxunturais para poñer parches nun barco que fai augas por todos os lados”, é unha proposta para defender o sector da pesca galega e lamentou que o Partido popular, unha vez máis, impedira que prospera a iniciativa nacionalista na súa totalidade.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
