Muras, 22 de febreiro, 2021. O goberno local sacou igualmente adiante co voto da maioría da corporación municipal, os proxectos para desenvolver este ano coa axuda provinte do fondo de compensación ambiental. Este ano seguirase contando cunha brigada de peóns para as tarefas de limpeza e desbroce no concello, así cun técnico de medioambiente, favorecendo o mantemento do emprego local. O resto de actuacións aprobadas son as seguintes:
A habilitación de dous puntos de recarga de vehículos eléctricos, (36.183,84€)
A ampliación das redes de abastecemento de A Xestosa e O Viveiró e outras melloras na traída municipal no concello de muras (87.205,24€)
A substitución do sistema de calefacción do colexio público, pola instalación dunha caldeira, que emprega biomasa densificada como combustible. Completaría a actuación a disposición dun depósito de inercia de 3.000 litros (65.113,90€)
A Construción dunha rede de colectores de saneamento para augas fecais (rede separativa) no núcleo de A Igrexa e a Instalación dunha nova EDAR (113.615,19 €)
A mellora e posta en valor das zonas verdes no concello de Muras, Parque de Vilalba, Zona verde Centro de Saúde, Parque Biosaudable, Area recreativa de A Veiga e Praza da Galeguidade (53.287,30 €)
A substitución do alumeado publico no paseo fluvial de A Veiga con tecnoloxía LED (7.415,50 €)
Melloras da eficiencia enerxética na casa consistorial: Renovación integral do revestimento de lousa da cuberta e varias obras (90.333,37 €)
Actuacións varias para a protección do ambiente e do espazo natural, tales como a adquisición de equipamento para a recollida e traslado de residuos (contedores), como a adquisición dun Apiario experimental para a ensinanza e investigación sobre a apicultura e a bioloxía das abellas, así como o encargo dun estudo da “pegada de carbono” do municipio, que permita cuantificar as emisións de Gases de Efecto Invernadoiro (GEI) emitidos á atmosfera e desenvolver un plan de mellora que contribúa á redución das emisións no futuro, entre outros (26.505,24 €)
As actuacións que conforman o proxecto “Fondo Compensación Ambiental Muras 2021”, suman un total que ascende á cantidade de cincocentos catro mil setecentos sesenta e seis euros con tres céntimos de euro (504.766,03 euros).
O goberno local manifestou que “É inaudito que o Partido Popular votara en contra de todos estes proxectos sen dar nin a mínima explicación no pleno de onte, o que nos parece unha auténtica irresponsabilidade ”. O alcalde engadiu que “Isto nunca antes pasara no concello, que un grupo municipal votara en contra de obras de progreso e que benefician no seu conxunto a toda a poboación. Creemos que a portavoz popular se equivoca adoptando estas posturas radicais”. Por último engadiron que “ultimamente son o partido do NON, votan todo en contra. Están no seu dereito de facelo, pero terán que explicarllo aos veciños de Muras”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
