Ribadeo, 22 de xaneiro de 2024. Ribadeo proponlle á Dirección Xeral de Maiores a firma dun convenio de colaboración para a realización de actividades no centro de día e nas parroquias.
O alcalde, Dani Vega, sinalou que “seguimos traballando e xestionando orzamento para Ribadeo. Hoxe recibimos a visita do director xeral de Maiores, onde o Concello lle propuxo unha colaboración desde a responsabilidade, pero sempre entendendo que a Xunta de Galicia nos debe axudar para promover moitas actividades de importancia e que a sociedade nos demanda”.
O rexedor declarou: “nos entendemos que a colaboración entre o Concello e a Xunta, e falo concretando no centro sociocomunitario, debe haber un traballo conxunto para nutrir de actividade esta instalación tan importante para Ribadeo”.
Vega explicou que “nos propuxemos realizar actividades, por iso ese convenio de colaboración, que nos virá tamén moi ben para seguir promovendo accións nas parroquias, como é o caso de Preto de Ti. Actividades en cada parroquia e tamén colectivas xuntando ás persoas e aí facer cousas conxuntas. Cada vez máis debemos xuntarnos, debemos facer actividades en unión con todas as parroquias e creo que estamos nese camiño acertado e tan importante”.
O alcalde indicou que “nos hoxe propuxemos un convenio de colaboración, de traballo conxunto e a Xunta de Galicia vainos axudar a levar a cabo moitas actividades con colectivos e con asociacións”. E lembrou que “estes días estabamos a celebrar en Pedro Murias os cursos de cociña, tanto con mulleres rurais como con amas de casa. Había esta actividade, e neste caso axudábanos Agacal (Axencia da Calidade Alimentaria) para poñer en valor o produto de proximidade, de asociacións como A Sucadoira, e degustalo e seguir traballando conxuntamente”.
Dani Vega engadiu: “a nos parécenos moi importante que a Dirección Xeral de Maiores invista en Ribadeo e sigamos nese camiño, que é o que realmente importa para Ribadeo: xestionar e traballar cun interese único, que é Ribadeo”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
