Rematamos con este artigo a xeira de tres desenvolvidos como achegas ao actual debate a respecto da liberdade de expresión, precedida polos antecedentes “Entendermos a liberdade de expresión” e “Definirmos a veracidade das informacións”.
Nesta última semana coñecemos da proposta do presidente do Goberno do Estado, Pedro Sánchez no Foro de Davos a respecto da supresión do anonimato das persoas que interveñan nas redes sociais (rr.ss.), precisamente diante da supresión dos controis de verificación (fact-checking) anunciados por Zuckerberg a respecto das rr.ss. da corporación Meta (facebook, instagram e threads), como xa os suprimira Musk na X (antiga twitter) cando mercou a empresa editora. Segundo Sánchez (que non fixo senón actualizar vellas propostas do Goberno Rajoy) a supresión do anonimato nas rr.ss. é fulcral para penar o ciberacoso, as calumnias, as inxurias e os discursos de odio nas rr.ss., é dicir, para delimitarmos os límites da liberdade de expresión recoñecidos no artigo 20 da Constitución e na xurisprudencia do Tribunal Europeo de Dereitos Humanos.
Semella esta unha proposta que conecta cun problema real da difusión de opinións e informacións nas rr.ss., como é o problema de identificación da persoa ou persoas que se atopan detrás dese nickname ou alcume que emite opinións que sobordan os límites da liberdade de expresión, quer por vulnerar os dereitos fundamentais doutras persas á súa honra ou privacidade, quer por espallar graves discursos de odio a respecto de persoas inseridas en colectivos vulnerábeis ou historicamente discriminados e, xa que logo, que corren risco obxectivo de despersonalización. Mais son moitos os inconvenientes de suprimir o anonimato, que está a posibilitar en moitos casos a difusión de ideas, opinións e informacións por persoas que, polas súas circunstancias persoais (emprego, xénero, pertenza a determinada minoría…) temen as resultas desta difusión. En realidade o anonimato nas rr.ss. atende aos intereses da liberdade de expresión das persoas menos empoderadas, das persoas máis vulnerábeis. Pensemos nunha persoa de Kenia, onde a homosexualidade é delicto, confesando a súa opción sexual ou a un cidadán iraniano ou saudí comunicando que abxura da súa relixión musulmá..
A liberdade de expresión é incompatíbel con calquera caste de censura previa e de intervención administrativa. A sanción do ciberacoso, das inxurias, calumnias e discursos graves de odio só pode ser competencia do Poder Xudicial, único que pode xulgar crimes nunha democracia. Ao Ministerio Fiscal e á Policía Xudicial lles cómpre, baixo do control xudicial, pescudar a verdadeira identidade da persoa usuaria acusada dun delicto de expresión nas rr.ss., para o que existen variadas ferramentas, sen prexuízo da obriga de colaborar as empresas titulares das rr.ss. coa Administración de Xustiza, baixo imputacións de graves delictos se omiten facelo.
Neste contexto mellor lle sería ao PSOE (ollo, tamén o PP ten expresado a súa idea de suprimir o anonimato nas rr.ss.) proporlle á maioría da investidura (178/350 deputados) medidas precisas e eficaces para alargar a liberdade de expresión, evitando procesos xudiciais que poden rematar na condena penal de persoas por opinións ou discursos que haberían ser considerados interiores sempre, consonte coa xurisprudencia do TEDH e do propio Tribunal Supremo USA, interiores ao perímetro da liberdade de expresión. Velaí a necesaria despenalización dos delictos de expresión ( inxurias á Coroa, aldraxes ás bandeiras, contra dos sentimentos relixiosos e de louvanza ao terrorismo), trasladando a protección penal das vítimas do terrorismo á regulación dos delictos de odio. Esta reforma do Código Penal habería tamén deixar moi claro que só son puníbeis os discursos de odio graves e delimitar moi ben os colectivos protexidos, que han de se cinguir aos historicamente discriminados ou actualmente vulnerábeis.
O problema non é que haxa moita liberdade de expresión, senón precisamente as restricións á mesma, nomeadamente cando falamos das persoas máis vulnerábeis e menos empoderadas.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
