O novo programa de atención aos maiores e envellecemento saudable contará co financiamento da Xunta de Galicia e será ofrecido por técnicos da Cruz Vermella
O Valadouro, 4 de febreiro de 2025. O Concello do Valadouro porá en marcha un centro sociocomunitario no local dos baixos municipais situado ao lado do ximnasio municipal e do colexio público.
Trátase dun programa de atención aos maiores e envellecemento saudable gratuíto para os usuarios que se dirixe ás persoas maiores de 65 anos empadroadas no municipio. Será impartido pola Cruz Vermella e contará co financiamento da Xunta de Galicia.
O alcalde, José Manuel Lamela, e membros do goberno local recibían este martes ao director xeral de Maiores e Atención Sociosanitaria, Antón Acevedo, acompañado polo delegado territorial da Xunta en Lugo, Javier Arias, e o presidente de Cruz Vermella Lugo, Luis Abelleira.
Lamela explica que “o proxecto está avanzado e se poñerá en marcha despois de que o Concello firme os convenios coa Xunta e coa Cruz Vermella”.
O programa ten como obxectivo mellorar a calidade de vida e o benestar dos maiores do municipio e ofrecer a posibilidade de manterse activos e saudables no seu propio municipio. O centro sociocomunitario permite compartir actividades guiadas por un técnico de intervención terapéutica e un técnico de atención sociosanitaria.
Os talleres do centro sociocomunitario desenvolverase en base a cinco áreas de intervención: cognitiva, física, funcional, social e emocional.
Está previsto que as actividades se desenvolvan os luns, mércores e venres en horario de 10.00 a 13.00 horas e que, posteriormente, se amplíen aos cinco días da semana: de luns a venres.
As persoas interesadas poden contactar cos servizos sociais do Concello.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
