Os senadores -José Manuel Barreiro, José Manuel Balseiro e Juan Serrano- mantiveron unha reunión co alcalde das Nogais, Jesús Núñez, e portavoces dos municipios polos que discorre o río Navia na provincia de Lugo
As Nogais, 31 de marzo de 2025. Os senadores do PP lucense -José Manuel Barreiro, José Manuel Balseiro e Juan Serrano- advirten, ante a resposta oficial do Executivo ás súas preguntas, que “a Gran Senda do Navia non é prioritaria para o Goberno de Sánchez”. Así, anuncian unha proposta para instalo dende o Senado a incorporar esta senda ao programa de Caminos Naturales, executar as obras necesarias e amosar o seu apoio a esta iniciativa para a que os 16 Concellos de Lugo e Asturias polos que discorre o río veñen de asinar un convenio marco de actuación.
O alcalde das Nogais, Jesús Núñez, que foi elixido un dos catro alcaldes comisionados como directiva, os senadores, a deputada autonómica Encarna Amigo e portavoces dos municipios lucenses amosaron nunha xuntanza o seu apoio á iniciativa para habilitar unha senda peonil e cicloturista de 428 km ao longo do río Navia que atravesa16 municipios, 7 lucenses e 9 asturianos.
Núñez avoga por “conseguir que este proxecto, que leva 8 anos en marcha, sexa realidade dunha vez por todas” e explicou que “é competencia do Goberno do Estado, pero tamén buscaremos o apoio do resto de administracións”.
Despois de máis de 7 anos nos que “o Goberno de Sánchez non moveu un papel”, os senadores presentaban formalmente unha pregunta ao Executivo para coñecer as previsións que barallaba para “este proxecto de dimensión medioambiental, pero con repercusión económica e social”.
“Desgraciadamente”, segundo explicou Barreiro, “a resposta do Ministerio é desoladora porque vén a dicir que entre as prioridades que ten, non está esta senda”. De feito, cita como prioritarias a prolongación da Ruta do Cantábrico pola costa asturiana e despois pola cántabra e tamén a súa prolongación na vertente atlántica cara as Rías Baixas. Isto “confirma a falta de interese do Goberno de Sánchez que, de forma reiterada, vén manifestando en relación con esta provincia”.
“Desde o Senado seguiremos traballando” e presentaremos unha moción esixiralle ao Ministerio, aproveitando a maioría na Cámara Alta, “que a Gran Senda do Navia sexa unha realidade”.
O Grupo Popular no Parlamento de Galicia tamén defenderá o proxecto da Gran Senda do Navia e presentará unha iniciativa para o seu debate en Comisión.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
