Ribadeo, 30 de xuño de 2025. O Hotel O Cabazo, de Ribadeo, celebra as súas vodas de prata. Hoxe, 30 de xuño, cumpre 25 anos.
O Cabazo abriu as súas portas no ano 2000 sendo un pequeno hotel de 19 habitacións e dúas estrelas. Naquel momento contaba cun restaurante de comida tradicional astur-galaica, que acolleu infinidade de eventos e celebracións durante moitos anos.
No 2008 o Hotel O Cabazo viviu a súa primeira ampliación, pasou de 19 a 38 habitacións e de 2 a 3 estrelas, pero non foi ata o 2017 cando aumentou 5 habitacións máis e pasou a ser distinguido como hotel de 3 estrelas superior.
Ademais dos seus múltiples investimentos, a súa aposta pola calidade sempre foi notable e así o plasmou nas sucesivas renovacións da Q de Calidade, ISO 9001, xunto ás excelentes recensións das que os seus viaxeiros deixan constancia nos portais en liña.
Recentemente, no ano 2022 o Hotel O Cabazo pechaba as súas portas para acometer unha importante reforma, cambiando á súa vez a idea de negocio. Desde xullo de 2023 está catalogado con 4 estrelas e conta con 36 habitacións, a maioría delas con terrazas privadas e excepcionais vistas da ría de Ribadeo. Na actualidade ofrece os servizos de almorzos e ceas só para os seus clientes, que poden gozar tamén de ximnasio e de sala de reunións.
Os xardíns de O Cabazo convidan á tranquilidade, ao acougo, á reflexión e a que a natureza se converta na protagonista de quen elixa este hotel ribadense para pasar o seu descanso en calquera época do ano.
O Hotel O Cabazo conta con cafetería e terraza abertas ao público.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
