A Pontenova, 24 de xullo, 2025. O Concello da Pontenova convocou a veciñanza a unha concentración que tivo lugar este mércores diante do edificio da Xunta en Lugo. A CIG-Ensino estivo presente apoiando todas as reivindicacións, especialmente as relacionadas coa situación do colexio, despois de que a Consellaría de Educación anunciase a supresión dunha aula de infantil. Até o curso pasado, o centro contaba con tres unidades nesta etapa, pero desde inspección comunicaron que, de cara ao próximo curso, a aula de 5º de infantil será dividida: metade do alumnado será trasladado a 4º e a outra metade a 6º.
A CIG-Ensino reclamou onte, na Xunta de Persoal Docente de Lugo, que se mantivese a dotación de profesorado no centro co fin de conservar as mesmas unidades, xa que o número de alumnado non diminuíu. Porén, a petición foi rexeitada.
“Desde a ANPA trasladáronnos múltiples queixas polo abandono que sofre o centro, especialmente desde que en decembro caeu parte do teito da aula de 6º de primaria, o que obrigou a trasladar o grupo á biblioteca. Denuncian tamén filtracións nas paredes do comedor. As familias reclaman, como non podería ser doutro xeito, un espazo seguro e saudábel para os seus fillos e fillas”.
Xunto a estas demandas educativas, sumáronse as relacionadas coa atención sanitaria, xa que o concello non conta con persoal sanitario suficiente, o que provoca que para obter unha consulta de atención primaria haxa que agardar máis de quince días.
“Unha vez máis, comprobamos o desprezo da Xunta de Galiza cara ao rural, ao non garantir servizos públicos de calidade que permitan manter un rural vivo e con futuro”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
