José Ramón Gómez Besteiro chamou a manter a cohesión e o traballo territorial para defender os intereses de Lugo “fronte ao abandono do PP”
Lugo, 29 de novembro de 2025. O PSdeG-PSOE na provincia de Lugo celebrou este sábado o seu Comité Provincial no Hotel Torre de Núñez, nunha xuntanza marcada pola cohesión interna, o balance do proceso congresual e a activación do traballo político de cara ás municipais de 2027. O Secretario Xeral Provincial, José Tomé Roca, chamou a “reforzar a acción territorial e o traballo municipal” e defendeu que o socialismo “é máis necesario que nunca para garantir igualdade e servizos públicos fortes”.
Peche do ciclo congresual e comezo dun novo tempo político
Durante a súa intervención, José Tomé Roca puxo en valor que este Comité Provincial “pecha un longo proceso congresual iniciado en 2024” e que permitiu renovar órganos, reforzar equipos e incrementar o peso político da provincia en órganos nacionais e federais. “Remata un período longo e comeza un novo tempo político coa vista posta nas eleccións municipais do ano 2027”, indicou.
“Queremos relanzar o proxecto socialista en toda a provincia”
O Secretario Provincial marcou como prioridade inmediata reforzar o traballo territorial e a coordinación municipal. “Poñemos a disposición das estruturas orgánicas e institucionais todo o potencial político e o traballo do partido”, explicou, subliñando que a nova etapa require unha acción planificada, coordinada e con mensaxes claras: “cunha mensaxe única, sinxela, directa e reiterada”.
Tomé defendeu un proxecto que cualificou de “feminista, medioambiental e galego”, orientado a mellorar os servizos públicos, defender a lingua, esixir melloras nas infraestruturas viarias e ferroviarias e garantir condicións de vida dignas en toda a provincia.
“Defendemos uns servizos públicos fortes porque son a garantía de igualdade. O contrario é a lei do máis forte, que converte dereitos en negocios duns poucos”, advertiu.
Presenza nos grandes debates: sanidade, SAF, Alcoa, Altri e violencia machista
Tomé afirmou que o PSdeG estará “onde hai que estar” nos principais conflitos políticos e sociais que afectan á provincia e a Galicia. “Imos estar na defensa da sanidade e ensino públicos, contra a violencia machista, contra o canon de Sogama, en defensa do financiamento autonómico do SAF, na permanencia de Alcoa e fronte á gran mentira do PP con Altri”, destacou. Tamén reivindicou unha “RTVG galega e pública, ao servizo da cidadanía e non do Partido Popular”.
“As agrupacións son a columna vertebral do partido”
O líder provincial puxo en valor a forte implantación municipal do PSdeG en Lugo, sinalando que “goberna a maior parte dos cidadáns da provincia, incluídas as principais vilas, a capital e a Deputación”. Subliñou que o partido “non parte de cero” e que nos últimos meses percorreu comarcas, reuniuse con agrupacións e cargos públicos e coñece “de primeira man” as necesidades de cada concello.
“Ese coñecemento é hoxe a nosa principal fortaleza para o que vén. As agrupacións son a columna vertebral do Partido Socialista”, afirmou. Tomé trasladou un agradecemento especial aos grupos que traballan desde a oposición: “Tamén desde aí se constrúe partido e futuro. A Executiva Provincial vai seguir ao voso carón”.
Obxectivos para 2027: “Ambición e realismo”
De cara ás eleccións municipais de 2027, Tomé chamou a actuar con ambición e realismo. “Queremos acadar representación en todos os concellos, manter e reforzar as alcaldías actuais, recuperar as que se perderon polas malas artes do PP e sumar novas alcaldías”, explicou. Tamén subliñou a importancia de garantir a continuidade dun goberno progresista na Deputación: “Contamos cunha forza institucional preparada, entusiasta e cuns militantes que son o motor deste proxecto”.
“Queda moito por facer e moito por conseguir. Imos traballar, imos ilusionar e imos seguir construíndo provincia”, concluíu.
Besteiro chama á cohesión e a defensa dos intereses de Lugo
O Secretario Xeral do PSdeG, José Ramón Gómez Besteiro, abriu o debate político cunha mensaxe de unidade e ánimo dirixida a toda a organización. Subliñou que o PSdeG afronta “un novo tempo político cunha estrutura renovada, unha militancia comprometida e proxectos municipais sólidos”, e apelou a seguir reforzando o traballo territorial en toda a provincia.
Besteiro chamou a “defender os intereses de Lugo fronte ao abandono do PP” e reivindicou o papel das alcaldías socialistas como exemplo de boa xestión e servizo público. Animou a organización a avanzar “con cohesión e confianza” de cara ás municipais de 2027.
Comisión de listas
O Comité Provincial pechou a sesión coa renovación da Comisión de Listas do PSdeG na provincia de Lugo, ratificada por aclamación. Os membros deste órgano son Mª del Pilar García Porto, Ana María Abelleira, José Luis Pajón, Gloria Prada, Miguel Ángel Crende, Marina Ramudo, Roberto Fernández Rico, Silvia Rodríguez Díaz, Darío Antonio Piñeiro, Sonia Verdes e Miguel González Vilela.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
