A entidade convoca a veciñanza a participar no acto reivindicativo que partirá ás 11:00 horas do Centro de Saúde de Viveiro e rematará cunha concentración diante da Delegación da Xunta en Celeiro
A Mariña, 9 de xaneiro, 2026. A Plataforma na Defensa da Sanidade Pública da Mariña convoca a todas as veciñas e veciños de Viveiro e da comarca ao acto de entrega de máis de 5.000 sinaturas dirixidas ao conselleiro de Sanidade, recollidas desde o 18 de setembro. A demanda principal é a cobertura estable de todas as ausencias en medicina de familia e pediatría, todos os días da semana e durante a quenda completa.
O Centro de Saúde de Viveiro arrastra desde hai anos unha falta crónica de profesionais. Segundo denuncia a plataforma, en numerosos días a dotación de medicina de familia redúcese a menos do 50%, chegando a haber só dous ou tres facultativos dos once previstos. Esta situación provoca agardas superiores aos quince días para consultas ou renovación de receitas, con casos que mesmo alcanzan os 36 días, polo que —advirten— “a atención sanitaria non está garantida”.
No servizo de pediatría, a situación tamén é crítica: Viveiro leva anos funcionando ao 50% da súa dotación, cunha única profesional atendendo todas as crianzas da localidade máis poboada da Mariña.
O acto reivindicativo celebrarase este xoves 15 de xaneiro, a partir das 11:00 horas, diante do Centro de Saúde de Viveiro. Desde alí partirá unha andaina cara á Delegación da Xunta en Celeiro, onde está previsto chegar sobre as 11:30 horas. Unha vez no edificio, varios integrantes da plataforma rexistrarán e entregarán os pregos coas sinaturas. A continuación terá lugar unha concentración diante da Delegación, dando continuidade ás mobilizacións que se veñen celebrando de maneira ininterrompida desde hai oito meses en distintos puntos da cidade.
Samuel Fernández Bouza, veciño de Viveiro e integrante da plataforma, anima a toda a poboación da Mariña a participar “en defensa dunha sanidade pública de calidade, próxima e equitativa”. Tamén convida ás persoas que dispoñan da camiseta co lema das concentracións viveirenses, Pola Resurrección da Nosa Sanidade, a acudir con ela.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
