O espectáculo “O meu pai naceu o mesmo ano que Mick Jagger” mestura humor, memoria e identidade e incluirá ensaios abertos, coloquios e actividades culturais complementarias na vila
Burela, 8 de abril de 2026. O salón de plenos do Concello de Burela acolleu esta mañá a presentación da obra teatral “O meu pai naceu o mesmo ano que Mick Jagger”, unha coprodución entre Tarabela Creativa e o propio Concello que se estreará o vindeiro 9 de outubro na vila.
No acto participaron representantes do Concello e da compañía, que deron a coñecer a nova proposta escénica que mestura humor, memoria e identidade e que mantén unha estreita vinculación con Burela.
A concelleira de Cultura, Lina Gómez, explicou que “é unha satisfacción poder presentar un proxecto como este, no que levamos tempo traballando con Tarabela Creativa, unha compañía que xa coñece ben Burela”. Sinalou que nesta ocasión decidiron dar “un paso máis” apostando por unha coprodución dunha obra “moi especial e moi ligada á vila polo seu protagonista e pola historia que conta”.
Gómez puxo tamén en valor o papel da cultura como “elemento de identidade que nos move e define” sinalando que “nesta obra, Burela non é só un escenario, senón que forma parte da historia, da identidade e da memoria”.
A obra está dirixida por Avelino González e interpretada por Carmen Conde, Fran Lareu e Xosé Manuel Esperante. Segundo explicaron na presentación, trátase dunha comedia que nace dun proceso creativo moi persoal, xa que durante un ano Carmen Conde entrevistou ao seu propio pai, antigo membro da Policía Xudicial e especialista en dactiloscopia, para reconstruír a partir da súa memoria unha serie de casos reais que se entrelazan nunha única trama criminal.
Xunto coa estrea da obra, o proxecto desenvolverá en Burela unha programación cultural complementaria que inclúe ensaios abertos na semana previa dirixidos a distintos colectivos, coloquios co equipo artístico e un obradoiro impartido por Carmen Conde centrado na dramaturxia, a narrativa e a narración oral. Ademais, a compañía presentará tamén o espectáculo de narración oral para público adulto “O que non estaba escrito”.
Dende o Concello convidan á veciñanza a asistir, destacando esta iniciativa como unha oportunidade para achegar o proceso creativo ao público e reforzar a aposta pola creación cultural e polo talento galego.
Ademais, a data de estrea, marcará o inicio do percorrido desta produción, que levará o nome de Burela a outros escenarios.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
