Preto de 600 persoas participarán no XXIX Día do Xubilado que se celebra o 1 de maio
-Haberá misa ás 11:00 horas e a partir das 14:00 horas desenvolverase o xantar-baile
-O programa complementario inclúe dúas saídas, unha en maio á Cidade da Cultura e outra en xuño, á Semana Verde de Silleda
Cervo, 25 de abril de 2012-O Concello de Cervo vén de pechar o prazo de inscrición para participar na edición número 29 do Día do Xubilado, programado para o 1 de maio. Unha xornada de convivencia na que se xuntarán preto de 600 cervenses que compartirán un día de entretemento. Para os desprazamentos xa están dispostos 9 autobuses que trasladarán aos xubilados ata os distintos puntos nos que se desenvolverán as actividades. A hora de partida está prevista para as 10:30 horas, cando os vehículos comezarán a percorrer as parroquias para recoller ás persoas participantes. As actividades comezarán ás 11:00 horas coa misa no pavillón da Veiga.
Rematada a misa, os autobuses partirán cara Viveiro, onde os xubilados e maiores disporán dunhas horas libres para pasear pola vila. A saída cara o restaurante Val do Naseiro, onde terá lugar o xantar-baile, está prevista para as 14:00 horas, de novo nos autobuses. Unha xornada na que tamén se fará entrega dos premios do Campionato de Tute e Parchís e na que haberá sorpresas que se irán coñecendo ao longo do día.
O Concello cervense decidiu manter a celebración do Día do Xubilado xa que para o goberno local se trata “dun encontro oportuno e idóneo para que os pensionistas cervenses se reúnan e compartan unhas horas de diversión nun encontro co que se pretende fomentar a convivencia entre persoas de distintas xeracións” explica a edil de Servizos Sociais, Tania González, “persoas que en moitos casos non se ven en todo o ano e só se reúnen o Día do Xubilado, polo que este evento se converte nunha cita moi especial para eles”. Aínda así, o executivo cervense reduciu o importe do gasto destinado a esta xornada “sen que repercuta no desenvolvemento do Día do Xubilado” explica González. Unha rebaixa que se conseguiu especialmente a través do cambio de escenario, pasando de celebrarse nunha carpa, con maior custo, a facerse nun restaurante con capacidade para centos de persoas.
Programa complementario
O Día do Xubilado inclúe un programa complementario de actividades, consistente en saídas dun día de duración a distintos puntos de Galicia. Nesta ocasión son dúas as excursións programadas. A primeira será o 12 de maio á Cidade da Cultura de Santiago. As persoas interesadas en participar terán que anotarse entre o 2 e o 7 de maio na Casa da Cultura de San Ciprián.
A segunda saída terá lugar o 16 de xuño e o destino será visitar as actividades programadas na Semana Verde de Silleda. Nese caso o prazo de inscrición está aberto do 28 de maio ao 8 de xuño tamén na Casa da Cultura. “Con estas saídas mantemos o obxectivo de fomentar a convivencia e as relacións entre os xubilados e contribuír a que o pasen ben na compaña doutras persoas” remata a edil de Servizos Sociais.
Remitido
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
