A Xunta de Goberno Provincial deste venres avanzou nos trámites necesarios, “os establecidos polo Goberno galego”, para que a Deputación poida concorrer ás subvencións que a Consellería de Traballo e Benestar publicou no DOGA do 14 de xaneiro. O voceiro provincial socialista, Manuel Martínez, avanzou que a sesión acordou propoñer ó Executivo autonómico a celebración por toda a provincia de 16 cursos sobre benestar social, “un dos nichos de emprego en Lugo”, para a inserción laboral de 250 desempregados lucenses.
A proposta que o organismo provincial fai á Xunta establece levar estas accións formativas ás 13 Comarcas luguesas co obxectivo de garantir o seu acceso a todos os veciños interesados. Para elo, a Deputación define organizar un curso en cada unha das seguintes zonas: Mariña Oriental, Mariña Central, Mariña Occidental, Terra Cha, Meira, A Fonsagrada, A Ulloa, Sarria, Os Ancares, Chantada, Terra de Lemos e Quiroga; así como 3, tendo en conta o número de parados, na Comarca de Lugo.
Os cursos tratarán sobre auxiliar de enfermería e xeriatría, técnico en dietética e nutrición, celador sanitario e atención sociosanitaria. Incluirán formación teórica pero serán, maioritariamente, prácticos. Por este motivo, a Xunta de Goberno tamén aprobou os 10 centros da provincia nos que se realizarán as prácticas: Vivenda Comunitaria de Burón (A Fonsagrada); Residencias de Santa María de Valadouro; Residencia Betania (Viveiro); Vivenda Comunitaria Vilaoudriz (Vilalba); Sanyres (Lugo); Residencia de Castro Riberas de Lea; Residencia de Baralla; Residencia de Quiroga; Residencia do Incio; Residencia de Monforte.
A Xunta só concedeu o 20% das axudas solicitas no 2012
Martínez remarcou que “esta é a proposta que lle facemos á Xunta de Galicia: 16 accións formativas nas 13 Comarcas da provincia para contribuír á inserción laboral de 250 desempregados lucenses. Non obstante, a súa celebración depende, en todo caso, de que o Goberno galego conceda á Deputación de Lugo as axudas públicas necesarias”. O voceiro lembrou que en anualidades pasadas a institución luguesa xa concorreu a estas subvencións. “No 2012, o Goberno galego só nos concedeu o 20% das axudas solicitadas, permitíndonos celebrar tan só 3 cursos para lucenses en paro”. Estas accións formativas versaron sobre servizo de atención a domicilio e auxiliar de enfermería. Nelas participaron 50 desempregados de toda a provincia xa que a Deputación distribuínas na zona Centro, na Costa e na Montaña. Tendo en conta as “insignificantes axudas” que o organismo provincial recibiu en convocatorias anteriores, Martínez subliñou que “esperamos que nesta ocasión a Xunta non siga coa dinámica de discriminar ós lucenses, concedéndonos as subvencións públicas necesarias para desenvolver a proposta que lle facemos. Esperamos que Feijóo teña en conta que Lugo suma xa 29.400 desempregados, 1.600 parados máis que no 2012. Espero que o Presidente galego, aquel que dixo que ía rematar co paro en 45 días, sexa consciente de que dende que está á fronte do Executivo autonómico a cifra de persoas sen traballo en Lugo se duplicou”.
Outros acordos
A sesión aprobou as contas xustificativas de 6 obras do Plan de Comunidades Veciñais, executadas en Lugo, Palas de Rei, Pantón, Trabada e Viveiro, aforrando a estes Concellos 43.000 euros ó asumir as melloras de dotacións públicas municipais situadas en zonas rurais. A Xunta de Goberno acordou achegar 60.000 euros á dotación da nova Casa Consistorial que constrúe a Deputación na Fonsagrada, tendo en conta que este municipio ten o Consistorio máis antigo da provincia. Ademais, aprobouse un Convenio Marco de Colaboración coa UNED para a realización de proxectos de investigación, estudos ou publicacións; para a cooperación a nivel nacional e internacional que favoreza o desenvolvemento de innovadoras iniciativas; e para o asesoramento entre institucións nesta materia. Martínez indicou que “trátase dun Convenio Marco que define as liñas estratéxicas de colaboración entre Deputación e UNED. Este acordou derivará na sinatura de convenios específicos para a realización de distintos proxectos dos que daremos conta”.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
