Ribadeo, 13 de xullo de 2015.- A concelleira de Desenvolvemento Local e Turismo, Ana Martínez, fixo unha valoración moi positiva da segunda edición do Ribadeo Indiano, que rematou este domingo e que encheu de xente a vila durante tres días. A edil fala dunha asistencia de arredor de 25.000 persoas e dun impacto económico de 3 millóns de euros.
Martínez fixo unha valoración moi positiva do evento: “creo que poucas veces se viu Ribadeo tan cheo de xente. O venres pola tarde, cando arranca este evento, e xa durante toda a xornada do sábado puidemos ver como por Ribadeo saían modelos de 1900-1920, como a xente se caracterizaba para gozar deste evento. É unha satisfacción enorme que un festexo que leva apenas dous anos rodando calase deste xeito tan positivo entre a xente de Ribadeo e por extensión a toda a comarca, porque se trasladou a Ribadeo xente dos arredores, probablemente de case todos os concellos. E a maiores houbo xente que se desprazou dun xeito expreso para vir gozar deste Ribadeo Indiano, como foi un caso concreto dun grupo de turistas que desde Miami arrancaron nos San Fermines e logo chegaron a Ribadeo precisamente para o evento. Tamén familias enteiras, me comentaban nalgúns hoteis, que ao ver o evento o venres pola tarde pedían quedarse e mesmo acudían aos establecementos comerciais a mercar roupas para caracterizarse e vivir de xeito directo e real este Ribadeo Indiano”. A edil nacionalista cre que “isto é o reflexo do que realmente supón o Ribadeo Indiano no conxunto da poboación”.
Para a concelleira de Desenvolvemento Local e Turismo “a importancia da conxugación do que é a historia coa festa deu lugar a un cóctel magnífico. Creo que nesta festa participan tanto desde os nenos máis cativos das familias ata os avós. É unha festa na que para moitos aínda supón unha certa proximidade a esa emigración a América e dá un pouco o xogo de vivir o que viviron os nosos avós”.
Sobre o impacto económico que o Ribadeo Indiano tivo na vila Ana Martínez sinalou que “en termos de vendas, de hostalería e de turismo, foi impresionante. Falábamos onte de noite con varios dos sectores e calculábase que o impacto económico que tivemos en Ribadeo desta fin de semana rolda os 3 millóns de euros, con máis de 25.000 persoas que viñeron a gozar do Ribadeo Indiano. Eu creo que o reflexo máis claro é que non había un sitio para durmir, que a hostalería esgotou parte das súas existencias, houbo establecementos que aínda que contaban cun gran número de persoas esgotaron as súas reservas. Creo que a clara a expresión do que sucedeu é o que estamos a dicir”.
A concelleira de Desenvolvemento Local e Turismo cre que “o Ribadeo Indiano supón un pulo económico e turístico para o noso concello dun calado importantísimo. Pero o Ribado Indiano é algo máis, é o inicio da recuperación da historia, da influencia da emigración, desa importancia que tivo a emigración non só en Ribadeo senón en todo o país. Con este Ribadeo Indiano pretendemos ir recuperando documentación e información que dea lugar a un arquivo histórico importante, onde poidamos ir aportando desde os domicilios dos particulares que teñan nos faiados das súas casas información para que ano que ven aínda sexan máis grandes todo este tipo de actividades”.
Martínez manifestou que “o Ribadeo Indiano non sería o que é sen a implicación da xente, sen a implicación de todos os sectores, de particulares que estiveron aí traballando e facendo que as exposicións funcionasen e que as conferencias fosen do máis atractivo. Tamén á Coral Polifónica co seu Festival de Habaneras, que se trasladou ao Ribadeo Indiano, a Banda de Música Municipal, a compañía de teatro, podería aludir a moita xente e probablemente me poida esquecer dalgúns e non quero facelo. Agradecerlles a todos e cada un dos que participaron as súas achegas, creo que o Ribadeo Indiano é de todas e de todos os ribadenses e por iso o gozamos e queremos que o ano que ven aínda sexa máis grande se cabe”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
