Mondoñedo, 26 de outubro de 2017. A alcaldesa de Mondoñedo, Elena Candia, valorou esta mañá que o Consello da Xunta de Galicia aprobase a declaración do Mercado Medieval e da Semana Santa como Festas de Interese Turístico de Galicia. A rexedora defende que “se está ante unha distinción gañada polos mindonienses que se implican de xeito moi especial na organización destas dúas citas”.
Candia asegura que a Xunta de Galicia está a recoñecer o esforzo tanto público como privado para celebrar estes dous eventos que constitúen “o fortalecemento da nosa cultura e da nosa historia, e que serven de reclamo turístico e transmiten as sensibilidades da nosa cidade”.
Así, a popular tivo palabras de agradecemento para “tanta xente, veciños e voluntarios, grazas aos que ano tras ano podemos celebrar estas dúas citas, que dende as administracións temos a obriga de coidar, promocionar e facer medrar”.
A rexedora de Mondoñedo tamén precisou que os mindonienses “xa coñecíamos e defendíamos o valor destas dúas celebracións, que serven de reclamo turístico e transmiten as nosas sensibilidades, e agora recoñéceo Galicia”. Ademais, para Candia, o feito de dalas a coñecer “é un acto de xustiza”.
Dende o Goberno local defenden a necesidade e a importancia de promocionar e “dar a coñecer o noso” e con este obxectivo están a traballar dende a administración municipal, implicándose en poñer en valor estas dúas celebracións, tanto a través da súa organización como facendo as xestións oportunas para que estas celebracións fosen declaradas de Interese Turístico de Galicia.
A Semana Santa de Mondoñedo e o Mercado Medieval
A alcaldesa destaca da Semana Santa, organizada pola Venerable Orde Terceira en colaboración co Concello de Mondoñedo ademais doutras entidades locais, a súa “antigüidade e singularidade, ademais de que ofrece características de gran beleza, como son a celebración do Vía Crucis cara o Mosteiro dos Picos xunto a unhas procesións moi participativas e recollidas, nas que destacan pezas pola súa antigüidade como unha Cruz do século XII e mesmo tallas do século XVII e XVIII”. De igual modo, Candia valorou a importante participación da xente, xunto á solemnidade das imaxes e o valor das mesmas.
En canto ao Mercado Medieval, a rexedora lembra que “estamos ante 25 anos nos que se está a medrar na posta en valor do noso pasado medieval”. Así, durante a fin de semana do mes de agosto ás rúas da localidade reviven a historia de Mondoñedo, caracterizándose e volvendo ao medievo, ao redor dun programa que está a incrementar tanto en número de postos como de actividades a desenvolver.
Tanto o Folgueiro League coma o Folgueiro League Baby desputaranse os días 12 e 13 de xullo.
A sala quedou pequena na tarde do mércores 18 de xuño para acoller a presentación do libro "Escultor y proyectista José Otero Gorrita. Entre Santiago de Compostela y Viveiro", obra de José Luis Otero González. O acto reuniu un numeroso público interesado en coñecer a figura e traxectoria deste artista fundamental na historia da escultura galega. A presentación contou coa intervención do autor, que afondou na vida e obra do seu avó José Otero Gorrita, así como coa participación de Felipe-Senén López Gómez, Francisco Javier Martínez Prieto e José Veiga Golpe quen destacaron o valor documental e artístico do traballo presentado. O ambiente foi de grande interese nun acto que serviu tamén para reivindicar a memoria do historiador de Viveiro Carlos Adrán Goás.
O festival terá lugar os próximos 28, 29 30 de xuño e o 1 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore. A subdelegada destacou a máxima coordinación entre o Goberno, o Concello de Viveiro, a organización do evento e as forzas e corpos de Seguridade do Estado para garantir o bo desenvolvemento do ‘Resu’.
A actividade, organizada en colaboración co Concello de Cervo, permitiu ao alumnado achegarse por primeira vez ao mergullo deportivo, combinando formación teórica e práctica nun entorno seguro e controlado. A segunda parte da xornada, prevista na Praia da Caosa, tivo que ser adiada debido ao mal estado do mar, pero buscarase unha nova data para completar esta experiencia única en contacto co medio natural. A alcaldesa Dolores García Caramés destacou "a importancia de ofrecer oportunidades educativas que promovan hábitos saudables e poñan en valor o noso entorno".
Xebra fecha o curso por todo o alto, con Séchu Sende presentando este sábado, 21 de xuño, ás 20 horas 'O povo improvisador', re-editado por Através Editora. Conducirá o acto o investigador Xian Naia. A atividade chega a Burela cunha festa itinerante, o Regueifatour que aterra no local de Xebra cun espetáculo de improvisación oral.
O encontro está organizado polo motoclub A Cadeira, de recente creación. Unha das citas máis esperadas será a exhibición acrobática do piloto profesional Emilio Zamora, que terá lugar a partir das 19.30 horas do sábado no parque de San Roque. Tamén se ofrece un simulador de pilotaxe de moto GP, música en directo ou unha ruta turística o domingo pola mañá. Habilitarase ademais unha zona de acampada exterior e interior.
O sábado 21 sesión vermú con Costa Dorada, que repetirán pola noite xunto á orquestra Waykas. O domingo sesión vermú con Tania Veiras e Los Cumbiapop que repetirán en sesión de tarde. Ese día haberá posto de polbo.
