LUGO .- A delegada territorial da Xunta afirma que garante que a dotación dos Grumir e que está a acelerar os trámites para poder prorrogar os contratos dos efectivos que integran os Grupos Municipais de Intervención Rápida de xeito que poidan estar operativos no mes de marzo.
Nota de Prensa
A XUNTA ASEGURA QUE FORMALIZARÁ A PRÓRROGA DOS CONTRATOS DOS GRUMIR CON MÁIS CELERIDADE DO QUE SE FIXO EN ANOS ANTERIORES
* A delegada territorial, Raquel Arias, afirma que a Xunta garante que a dotación dos Grumir cumprirá coas demandas da Federación Galega de Municipios e Provincias
Lugo, 14 de xaneiro de 2010.- A Xunta de Galicia está a acelerar os trámites precisos para poder prorrogar os contratos dos efectivos que integran os Grupos Municipais de Intervención Rápida (Grumir), de xeito que poidan estar operativos no mes de marzo.
A Xunta lembra que o feito de que se poidan asinar os contratos en marzo implica unha significativa redución do período de interrupción da actividade dos Grumires con respecto ao rexistrado en anos anteriores.
A delegada territorial da Xunta, Raquel Arias, afirma que a distribución e dotación destes grupos de emerxencia na provincia de Lugo seguirá o modelo de anos anteriores, tal e como comunicou o Executivo galego, atendendo ás demandas da Federación Galega de Municipios e Provincias (Fegamp).
A delegada lembra que os contratos do Grumir enmárcanse dentro dun programa de fomento do emprego que desenvolve a Consellería de Traballo e Benestar, que pretende mellorar a empregabilidade de traballadores en paro, á vez que permite que os concellos conten cunha infraestrutura básica de resposta ante situacións de emerxencia.
Ao longo do presente ano a Xunta de Galicia e a Fegamp dobrarán o esforzo para dotar a Galicia dun novo sistema profesional de emerxencias, que garanta a atención de todo o territorio nun tempo medio de 20 minutos.
O obxectivo da profesionalización dos servizos de emerxencia recóllese no Pacto Local asinado entre a Xunta e a Fegamp hai catro anos, cuxo texto anuncia a intención de prorrogar a distribución dos Grumir “ata o ano 2007” e estudar “neste tempo unha solución de futuro”. Non obstante, en todos os exercicios seguintes a Fegamp solicitou a prórroga do modelo por un ano máis.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
