- Co pregón deu comezo este venres a décima edición da feira do libro Letras no Campo
O creador e poeta Quique Roxíos non puido acudir a ler o seu pregón, por motivos persoais graves. Foi o ribadense Anxo Martíns o encargado de poñerlle voz ao texto escrito polo autor de Boal distinguido polo seu compromiso coa fala do Eo-Navia. A concelleira de Cultura, Begoña Sanjurjo, abriu o acto, fixo unha semblanza de Quique Roxíos e disculpou a súa ausencia. Letras no Campo seguirá ata o domingo no Campo de San Francisco con diversas actividades, como presentacións de libros, concertos, exposicións e outros actos para todos os públicos.
- Realizado este venres no Concello de Alfoz un Obradoiro de Educación emocional e técnicas de relaxación
A actividade, realizada en colaboración coa Escola Galega de Saúde, contou con moita participación e as persoas asistentes amosaron o seu interese en que volva a realizarse. Durante a sesión aprendéronse estratexias que poden resultar de utilidade para ter un adecuado manexo do estrés e a ansiedade, o que facilitará lograr a adaptacón óptima a momentos de cambio e/ou dificultade, ademais de poñer en práctica diferentes técnicas de relaxación.
- Chamamento á paz
A Plataforma pola paz da Mariña lucense e occidente asturiano ten remitido unha carta a todos os centros educativos de dita comarca, facendo un chamamento para que se fomente neles a reflexión entre o profesorado e o alumnado “sobre as graves violacións dos Dereitos Humanos que ocasionan as guerras que estamos sufrindo a nivel mundial e especialmente a día de hoxe o xenocidio que sufre o pobo de Gaza, sen precedentes dende a Segunda Guerra Mundial”. Tamén ofreceu a súa colaboración para levar adiante os actos que se pretenda realizar, na forma que cada centro considere conveniente.
- Convocatoria asamblea xeral de socios do Ribadeo F.C.
Convócase aos socios do Ribadeo, F.C. á asamblea xeral que terá lugar o 10 de Xuño, ás 19,30 horas en primeira convocatoria e as 20,00 horas en segunda, no Salón de Actos da Casa Sindical na Avenida de Galicia, 20 de Ribadeo segundo a orde do día: Lectura e aprobación da acta da asamblea anterior, si procede. Estado de contas tempada 2023-2024. Memoria deportiva tempada 2023-2024. Memoria 2020-2024. Rogos e preguntas. Elección novo presidente.
- Este mércores houbo novo taller de reciclaxe na Casa do Mar dentro do programa de voluntariado Coida Cervo
Os pequenos elaboraron coas súas mans uns comedeiros para paxaros con botellas de plástico recicladas, entre outras actividades.
- Inauguración na Sala das Carboeiras de Sargadelos da mostra Photo Xuntanza
Unha exposición colectiva na que participan: Fotonavia é unha asociación creada en Navia (Asturias), Os Potiños de O Carballiño, Grupo Asemeya de Xixón, Asociación Os Negativos de Viveiro e Vicente Ansola, como convidado especial. O prestixioso fotógrafo cántabro posúe varios premios de carácter internacional. Un conxunto de 70 fotos forman esta mostra de temática e técnica e moi variada que non deixará indiferente a ninguén e que se poderá visitar os sábados e domingos de 16:00 a 20:00 horas, ata o 16 de xuño.
- Novo éxito de 'Charlando' de 'Arruguiñas'
O local social da asoc. Xubilados Terramar, na Casa do Mar de San Cibrao, encheuse para desfrutar dunha motivadora e interesante charla a cargo da traballadora social e coach, María José Nóvoa e da psicóloga, Sonia Nogueiras.