Nota de Prensa
O BNG DE FOZ SOLICITA DEPURAR RESPONSABILIDADES NO CASO DO RECOÑECEMENTO DE FACTURAS
“PP e PSOE vólvense a poñer de acordo en contra da legalidade e dos intereses públicos” afirma Basanta
Foz, 29 de outubro de 2010.- O BNG volveu a manter o seu voto en contra de recoñecer facturas nas que o alcalde e o grupo de goberno cometeron múltiples irregularidades, vulnerando a lei e con toda probabilidade actuando en contra dos intereses económicos do Concello.
Segundo o BNG, no pleno de onte volveuse a escenificar o pacto de intereses entre o PP e do PSOE ao poñerse de acordo para sacar os recoñecementos extraxudiciais de crédito adiante a pesar dos reiterados reparos de intervención e a pesar de xogar cos intereses do Concello. Este pacto xa o repetiran os dous partidos no caso da concesión de augas e dos orzamentos do 2008. É inexplicable o cambio de voto do PP cando votara en tres ocasións anteriores en contra das mesmas facturas que forman estes recoñecementos extraxudiciais. Como tampouco se explica que se sacaran algunhas facturas e outras non, posto que están producindo un trato discriminatorio con algúns provedores e contratistas.
Hai que recordar que en moitas das facturas incluídas neste expediente non aparece a conformidade realizada polo persoal técnico competente do Concello (nalgúns casos só aparece a sinatura do alcalde e noutros casos as de outras persoas que non son técnicos do concello) polo que non se pode certificar de forma segura nin que as obras foron efectuadas efectivamente nin que o seu prezo se axusta ao do mercado. A maiores, tampouco se fixo seguimento destes gastos de inversión por dito persoal técnico nin obra informe ou conformidade de dito persoal, polo que se vulnera o procedemento legal e deixa en indefensión ao Concello. Polo tanto, e ás vistas destas deficiencias o BNG, en coherencia coa súa posición, non pode recoñecer uns gastos que non están avalados e conformados debidamente polos técnicos competentes e que non certifican a correcta realización das obras e da súa calidade, posto que poderíase estar actuando en contra dos intereses do Concello.
Non obstante non pode esquecerse –como certifican os informes de intervención- que “unha parte importante dos gastos recollidos nestes expedientes foron realizados incumprindo a prohibición legal de adquirir compromisos sen a consignación orzamentaria suficiente e en determinados casos incumprindo ademais outra serie de preceptos legais como a Lei de Contratos”. Por este motivo, o BNG solicitou ao Pleno da Corporación que se inicie a acción de regreso contemplada na lei para determinar a posible responsabilidade patrimonial causada á Administración por aquelas autoridades e persoal municipal nas súas actuacións en materia de contratación administrativa, cando menos polos intereses de demora que deban de aboarse.
E así mesmo, o BNG volveu a reiterarlle ao alcalde que faga as cousas ben e conforme a lei en materia de contratación, control de gasto e aprobación de facturas e non estas chapuzas ás que nos ten acostumados, para que estes problemas de pago non volvan a ocorrer.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
