Nota de prensa
Deputación e Concello potencian a Semana Santa de Viveiro, que pregoará o secretario xeral de Inditex
– O Presidente provincial, o alcalde viveirense e a Xunta de Confrarías presentaron este luns no Pazo de San Marcos o programa da festividade relixiosa, que pregoa este sábado Antonio Abril Abadín, natural do concello mariñano
– Unha vintena de procesións e preto de corenta actos litúrxicos sucederanse ata o día 24 nunha celebración durante a que se duplica a poboación de Viveiro e os hoteis chegan ó 100% da ocupación
– O organismo provincial concedeu unha axuda extraordinaria de 40.000 euros para a organización do evento, o 25% do presuposto total co que conta este ano
O salón de actos da Deputación de Lugo acolleu este luns a presentación da Semana Santa de Viveiro, un acto que o Presidente Provincial, José Ramón Gómez Besteiro, e o alcalde viveirense, Melchor Roel, aproveitaron para recalcar o seu empeño de impulsar dende as institucións que dirixen a festividade co fin de convertela “na mellor de Galicia” e de que consiga a Declaración de Interese Turístico Internacional. Consideran que a súa tradición, a riqueza e calidade das procesións, o dinamismo das confrarías, a gran implicación dos veciños e a multitude de visitantes que atrae outórganlle ó evento unha magnitude que o fan merecedor deste recoñecemento. A cidade do Landro recibe de feito nestes días a unhas 30.000 persoas, duplicando a súa poboación, e os hoteis chegan ó 100% da ocupación. Outros datos que revelan a súa importancia son que as oito confrarías existentes reúnen a máis de 3.000 confrades, preto do 20% da poboación total do Concello, e hai unha avultada lista de espera para portear as imaxes.
Xunto a Besteiro e Roel, estiveron no acto o Vicario Xeral da Diocese de Lugo, Luciano Armas; o presidente e a voceira da Xunta de Confrarías de Viveiro, José Veiga e María del Carmen López, respectivamente, e o xornalista Xulio Xiz, que foi o encargado de facer a presentación. Xiz referiuse á Semana Santa viveirense como “unha explosión de fe e actividade, que, por outra banda, non é algo privativo desta festividade, se non que se produce en cada celebración que ten lugar na cidade, ben sexan as festas patronais, o Nadal ou o Entroido”. Destacou así mesmo o arraigo entre os viveirenses deste evento, “que teñen asumido nas entrañas” pola súa longa historia de polo menos 800 anos.
A Xunta de Confrarías expuxo na entrada do salón de plenos, onde tivo lugar o acto, estandartes e capuchóns, ademais de libros pregón, programas de man e carteis.
O Presidente Provincial aproveitou para anunciar que o autobús turístico de Lugo Terra que está recorrendo o norte e centro de España coa imaxe do actor Luis Tosar como reclamo repartirá entre os seus visitantes programas de man e carteis da Semana Santa de Viveiro para contribuír á súa difusión. Esta semana o vehículo que promociona os valores e recursos turísticos da provincia baixo o lema “Lugo Terra de todo natural. Eu son natural de Lugo” estará en Madrid, Valladolid, León e Zamora e a semana que vén recalará, xa en Galicia, en Ourense, Vigo, Pontevedra e A Coruña.
Os actos da Semana Santa comezan este venres coa procesión da Virxe das Dores, mentres que o sábado terá lugar o pregón do viveirense Antonio Abril Abadín, avogado do Estado e secretario xeral do grupo Inditex. O intenso programa, que inclúe unha vintena de procesións e preto de 40 actos litúrxicos, prolongarase hasta o 24 de abril. Entre os actos, destacan a Tamborrada, na que ducias de persoas fan vibrar as rúas da cidade, os Vía Crucis de Mulleres e Homes e procesións como a do Hecce Homo, Última Cena, El Prendimiento, El Encuentro, Santo Entierro, La Pasión, La Soledad o El Vía Crucis.
Novidades continuas
Unha das características polas que destaca e que fai atractiva a Semana Santa de Viveiro é o seu gran dinamismo. Celébrase de xeito ininterrompido dende o século XIII, herdando a tradición de franciscanos e dominicos, e nesa longa historia houbo etapas máis sobrias e outras de esplendor, como a dos anos 50 e 60. Na actualidade e dende hai unha década a celebración volve a vivir unha etapa álxida, con continuas restauracións, melloras e incorporacións de pezas -tanto de imaxinería, como de andas- e incluso coa organización de novas procesións, como foi o caso da do Ecce Homo instaurada hai dous anos. A portavoz da Xunta de Confrarías, María del Carmen López, Chipe, recoñece que foi a do “Santísimo Cristo de la Piedad” a que deu o primeiro paso, marcando un punto de inflexión: “El resto fuimos a la zaga”, apuntou.
Deste xeito, en cada edición hai novidades, que esixen moito traballo e unha inversión económica “incalculable”, explicou Chipe. Neste 2011, presentan innovacións a Confraría del Rosario, que fixo dúas andas novas para as imaxes de San Xoán e a Virxe da Resurrección; a “Venerable Orden Tercera”, que restaurou tres tallas para o Cristo das Caídas, o Cristo da Caña e o Cristo da Oración do Horto; a “Hermandad del Prendimiento”, que estrea a aureola da imaxe de San Pedro e mellorou a potencia da imaxe do Prendimiento; a “Hermandad de las Siete Palabras”, que incorpora novos candelabros para a imaxe do Resucitado; a de “La Misericordia”, que estrea indumentaria e trono de ourivaría para a Virxe da Clemencia; e a “Hermandad de Mujeres de la Santa Cruz” (formada só por mulleres), que fixo unha nova coroa para a Virxe da Esperanza, na súa maioría costeada con donativos e con achegas en prata e esmeraldas.
Outro froito desa dinámica actividade é o programa de difusión cultural Adral, que a Xunta de Confrarías organiza durante a Coresma, de maneira complementaria ós actos da Semana Santa. Trátase de actos culturais -como conferencias e concertos de bandas de música e coros- que empezaron o 24 de marzo e concluirán este próximo xoves, 14 de abril. Esta proposta conta cunha gran aceptación popular. A maiores, organizan catro exposicións en distintos puntos da cidade: “La Pasión”, composta por óleos e que se instalará no salón multiusos do Concello; “Antesala de un museo”, na Praza Jacinto Calvo; “Os Nosos Rostros” e “Imaxes de Imaxes”, polo casco histórico, e mostra do 50 aniversario do Congreso Eucarístico Comarcal 1961-2011, no vello consistorio.
Presuposto
O presuposto estimado da Xunta de Confrarías para este 2011 é duns 160.000 euros, dos que o 25% -40.000 euros- foron aportados pola Deputación de Lugo a través dunha axuda extraordinaria. Este colectivo representa ás 8 confrarías viveirenses: “Venerable Orden Tercera”; “Del Rosario”, “Santísimo Cristo de la Piedad”; “Hermandad del Prendimiento”; “de las Siete Palabras”; “de la Santa Cruz”; “Nazarenos dos de Fóra” e “Misericordia”. Dende a súa formación, recibe unha subvención directa de 64.000 euros por parte do Concello. Ademais, por primeira vez este ano, dispoñen de locais municipais de ensaio, reunión e almacenaxe.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
