A IRMANDADE DE SAN CAETANO E O COLECTIVO CULTURAL OLLOMAO ORGANIZAN A FESTA DAS LETRAS, UNHA XORNADA LÚDICA PARA NENOS E MAIORES.
A Festa da Letras terá lugar nas Escolas de Celeiro de Mariñaos, o sábado 19 de Maio a partir das 17 horas.
Barreiros, 11 de Maio de 2012. Co gallo do Día das Letras Galegas, a Asociación Veciñal Irmandade de San Caetano e o Colectivo Cultural Ollomao organizan A “Festa das Letras” nas Antigas Escolas de Celeiro de Mariñaos o día 19 de Maio a partir das 17 horas. Esta Festa xa se ten convertido nun referente ao redor do Día das Letras Galegas na parroquia de Celeiro de Mariñaos, tras máis de 10 anos organizándose por parte da asociación veciñal.
Nesta ocasión, a xornada será organizada conxuntamente pola Asociación Irmandade de San Caetano e polo Colectivo Cultural Ollomao poñendo en práctica a colaboración entre as asociacións do Concello que ambas as dúas entidades propugnan desde o seu inicio. Segundo o Presidente da Irmandade, Xabier López López, “é moi importante xuntar esforzos para lograr unha oferta cultural axeitada á realidade do noso concello e para reducir no máximo posible os costes das actividades. Cando os obxectivos das asociacións coinciden no fundamental: pór en valor a cultura galega e dinamizar a vida cultural barreirense, é moi sinxelo traballar xuntos.”
Desde a organización explican que nesta xornada se conxugarán diferentes actividades dirixidas a pequenos e maiores co seguinte programa:
17hs. XOGOS TRADICIONAIS A CARGO DE XOTRAMU.
18:30hs. PRESENTACIÓN DO LIBRO INFANTIL DE TEATRO “OS POEMAS DO RÍO”, a cargo das autoras: Cristina Corral Soilán e Aurora Cascudo Román.
Ás 19:30hs: PRESENTACIÓN AUDIOVISUAL SOBRE OS CASTROS DE BARREIROS, a cargo do Profesor Don Emilio Piñeiroa Lozano e TRIVIAL DE BARREIROS: Xogo de preguntas e respostas para nenas e nenos sobre cultura xeral e local.
A continuación terá lugar a ACTUACIÓN DO GRUPO A SUBELA de Música Tradicional.
Daranse os primeiros pasos para a constitución dun grupo de teatro infantil.
Aproveitando a cita coas autoras da obra teatral, o Colectivo Cultural Ollomao dará os primeiros pasos para pór en funcionamento un grupo de teatro infantil que traballará na obra presentada nesa xornada: “Os Poemas do Río”. Para esta actividade, contarán coa colaboración da actriz barreirense Estíbaliz Veiga, que amadriñará a obra de teatro e exercerá de Directora da mesma. Tamara Rubiños Varela, Presidenta de Ollomao, explica que “decidimos crear un grupo de teatro infantil para dar cabida ás nenas e nenos do concello; xa que sabemos, polo interese que mostraron ao comezar a traballar co grupo de teatro que está a ensaiar “Os vellos non deben namorarse”, que hai moitas nenas e nenos barreirenses que teñen interese en facer teatro. Para nós é unha satisfacción que exista inquietude cultural entre as máis novas e novos e facemos todo o posible para canalizala e facer posible a participación de todo o mundo.”
Ademais, desde o Colectivo barreirense amósanse moi agradecidos “coas actrices locais Comba Campoy e Estíbaliz Veiga, que están colaborando desinteresadamente con nós e que se amosaron encantadas de facelo.”
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
