NOTA DE PRENSA
O POL afecta en Barreiros a 3374 hectáreas, 2650 delas por riba dos 500 metros.
O BNG solicítalle ao Alcalde que explique se lle segue a parecer ben o POL.
O POL prohibe edificar en Barreiros en solos que a propia Xunta considera urbanos.
O Bloque Nacionalista Galego de Barreiros procedeu a analizar na xuntanza do seu Consello Local a afección que neste Concello vai ter o Plano de Ordenación do Litoral que ven de remitir á Alcaldía a Xunta de Galiza. Desde o BNG lamentaron que por parte do Goberno Local non se quixese debater no anterior pleno unha moción dos nacionalistas solicitando o estudo por parte da Corporación deste documento, dada a importancia que ten para Barreiros. Nesta liña o BNG informou que o POL afecta a 3374 hectáreas das que 687 se corresponden coa area de protección, na que está permitido ningún uso residencial,793 hectáreas coa mellora ambiental e paisaxística, na que agás excepción non se permiten usos residenciais, e 1929 hectáreas coa area de ordenación cuxos terá que determinar o Concello no PXOM.
Os nacionalistas non deixan de considerar curioso a doble linguaxe do PP que despois de realizar unha campaña de insidias afirmando que o Plano do Litoral do Bipartito non ía permitir edificar por baixo da franxa dos 500 metros, agora preséntanos unha proposta que no caso de Barreiros significa a ordenación de usos por riba da franxa dos 500 metros cifrada en 2650 hectáreas. Neste sentido desde o BNG queren recordar a prohibición de usos residenciais por riba dos 500 metros nunha dimensión de 281,75 hectáreas, dándose o paradoxo da prohibición para edificar mesmamente por riba da estrada N-634 en San Miguel de Reinante.
O Consello Local do BNG considera que o Plano establece usos do solo sen atender a criterios regrados, na máis absoluta discrecionalidade, plantexando solución distintas para realidades que son iguais, criando inseguridade xurídica e abre a porta ao urbanismo a carta, realidade tan coñecida neste Concello. Nesa liña os nacionalistas solicitan que o PP explique por que non se pode edificar en solo clasificado como urbano tanto nas normas do 94 como nas normas provisorias da Xunta do 2007 (centro urbano de San Miguel) e abre a porta para a edificación en solo hoxe considerado de protección forestal como os Caxigais. Tamén tería que aclarar o PP por que no centro de San Cosme pola beira riba da N-634 pode seguir expansionandose o núcleo e porén para beira de baixo da estrada non se permite a expansión residencial. Na mesma liña na zona dos Caxigais só se fixan dúas bolsas de protección forestal, lóxico se atendemos ao seu carácter de monte, e sen embargo no resto da área que tamén conta mesma masa árborea se clasifica como de mellora ambiental e paisaxística. Xa por último os populares nos deberían clarexar por que usos que permite a normativa provisoria da Xunta como residenciais, agora son denegados ao caracterizar esa área como de protección
Os nacionalistas consideran grave que o Plano veña a prohibir usos residenciais en varios solos que teñen a consideración de urbanos no Planeamento en vigor aprobado pola propia Xunta. Neste sentido hai que ter en conta que se fixa como área de protección toda a bolsa de solo urbano que vai desde a Anguieira a Remior, zona por outra banda xa edificada, o que significa que o conxunto desas promocións queden foran de ordenación. Non estaría mal que o Conselleiro do ramo e o Alcalde de Barreiros nos expliquen como teñen pensado resolver o litixio urbanístico de Barreiros cando a maioría das vivendas afectadas pola suspensión se concentran na área de protección, que como xa explicamos é unha área onde non se permiten usos residenciais.
O Bloque Nacionalista Galego solicita que o Alcalde de Barreiros convoque a comisión de estudo do Plano de Ordenación do Litoral e que lle aclare aos veciños deste Concello se lle parece tan axeitado despois dos dados que lle vimos de transmitir desde o BNG sobre este instrumento de Planeamento. Estamos convencidos que o Alcalde deste Concello non faría declaracións tan alegres sobre o contido do POL , se no momento de facelas públicas se tomase a molestia de estudar o documento.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
