A Xunta debe o IBI do Hospital da Costa
NOTA DE PRENSA
NEVES CANDO DENUNCIA QUE A XUNTA LLE ADEBEDA AO CONCELLO PRETO DE 60.000 EUROS DO IBI DO HOSPITAL DA COSTA CORRESPONDENTE AOS ANOS 2009 E 2010. A TENENTE DE ALCALDE CRITICA QUE SE DEAN LARGAS PARA FACER ESTE PAGO E QUE SE GASTEN 6 MILLÓNS DE EUROS EN 4 MESES EN PUBLICIDADE.
Burela, 2 de setembro de 2010. A tenente de alcalde, Neves Cando, denuncia que a Xunta lle adebeda ao Concello preto de 60.000 euros do IBI do Hospital da Costa correspondente aos anos 2009 e 2010.
A edil nacionalista sinalou que “a día de hoxe a Xunta de Galicia débelle ao Concello de Burela case 60.000 euros en concepto de imposto de bens inmobles polo Hospital da Costa dos anos 2009 e 2010. O prazo para que todos os veciños e veciñas de Burela pagásemos este imposto neste ano polas nosas vivendas, solares, etc, rematou xa o 16 de agosto, pero a Xunta non cumpriu aínda con Burela neste 2010 nin no 2009, un concepto que se lle leva reclamando reiteradamente e ao que lle dan continuas largas”.
Cando considera que “non é de recibo que nestes momentos nos que os Concellos estamos vendo como se reducen os nosos ingresos sexa a propia Xunta de Galicia a primeira en incumprir e non aboar os impostos que lle corresponden como a calquera propietario de vivenda ou de solar, co agravante incluso de que ao non pagar en tempo e forma esta cantidade ten xa un 5% de recargo. Ésta é a incompetencia e o despilfarro da Xunta que non fai os seus deberes a tempo e despois ten que pagar máis aínda”.
A tenente de alcalde engadiu que “para pagar isto que se lle debe ao Concello de Burela non hai presa, pero para anunciar o gasto de case 6 millóns de euros en catro meses, mil millóns das antigas pesetas, en campañas de publicade para iso sí que teñen cartos. Para publicidade e propaganda sí que hai cartos neste momento de crise, pero para emprego hai reduccións”. Neves Cando lembrou que “nós xa falabamos no mes de xuño que a Xunta só nos concedeu subvencións para contratar a 11 persoas desempregadas, 10 para socorrismo e 1 para o banco de tempo, cando nós solicitamos 34 para postos en turismo, obras, en xardinería e noutros servizos municipais”.
A concelleira nacionalista subliñou que “agora sabemos dun novo recorte en materia de emprego tamén, a Fundación Eu Son, presidida polo Concello de Burela e que atende aos discapacitados psíquicos da Mariña, viu estes días recortada a súa petición de subvención para contratar técnicos para o seu centro. No ano 2009 recibiu cartos para contratar a dúas persoas e neste 2010 só recibiu para contratar a unha. Éste é o compromiso co emprego da Xunta de Galicia do PP, cartos para campañas publicitarias hai, pero para a creación de emprego e para pargar os impostos que nos deben non”.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
