Nota de prensa
A Deputación afirma que o dispositivo despregado para atender as incidencias por neve sempre estivo ó máximo rendemento
– O organismo provincial repartiu 126 toneladas de sal dende o día de onte na rede viaria, na que están a traballar máis de 60 operarios e uns 90 vehículos para garantir a seguridade dos usuarios
– O traballo realizado polas empresas adxudicatarias do mantemento das estradas permitiu que arestora tan só 8 estén pechadas ó tráfico
– Debido a que a Xunta non está a limpar os seus viais, os servizos provinciais tiveron importantes problemas para atender a un vehículo que quedou atrapado na estrada que comunica Triacastela con Guilfrei
– A Deputación recomenda circular con precaución por toda a rede viaria e mantén en alerta o dispositivo despregado para atender os problemas que poidan xurdir nas vindeiras horas
As empresas adxudicatarias do mantemento da rede viaria provincial continúan a traballar ininterrumpidamente para atender as incidencias ocasionadas pola neve que caeu nas últimas horas e que está a afectar principalmente ós municipios da Montaña. Por tanto, as críticas realizadas polo Partido Popular nas que afirmaba que as cuñas quitaneves están paradas son totalmente falsas, xa que todo os dispositivo despregado está a pleno rendemento dende primeiras horas da madrugada.
Ademais, estas empresas están obrigadas a que se algunha das máquinas sufre algún tipo de avaría, o seu reparo ten que ser inmediato. No caso de que isto fose imposible e de que a emerxencia fose extrema, a Diputación ten preparados e dispostos os reforzos do Parque Móbil, que se desprazarían no menor tempo posible á zona afectada.
Pola contra, os servizos provinciais non están a ter a suficiente colaboración da Xunta de Galicia, xa que tiveron importantes problemas para quitar a un vehículo que quedou atrapado na estrada da Deputación que vai de Triacastela a Guilfrei. Precisamente, o tempo de chegada ó lugar dilatouse debido a que as vías que dependen do goberno autonómico están totalmente inaccesibles pola cantidade de neve almacenada, o que obrigou previamente ás máquinas quitaneves da Deputación a limpar un treito da estrada da Xunta e a rescatar a 4 vehículos que se saíron da vía e quedaron bloqueados pola neve.
O traballo realizado polo Deputación ó longo de todo o día permitiu que das 34 estradas provinciais que estaban pechadas ó tráfico pola mañá, agora só 8 están impracticables. Son as CPs 0101 no Valadouro, 0104 en Mondoñedo, 1906 en Fonsagrada, 3601 en Negueira de Muñiz, 3502 e 0708 en Navia de Suarna, e 1304 e 4502 en Pedrafita do Cebreiro.
O organismo provincial repartiu 126 toneladas de sal dende o día de onte. En total, están a traballar máis de 60 operarios e uns 90 vehículos para garantir a seguridade dos usuarios que circulen pola rede viaria provincial.
Tendo en conta as previsións meteorolóxicas, a Deputación recomenda circular con precaución por toda a rede viaria e manterá en alerta o dispositivo despregado para atender as incidencias por neve e xeo que poidan xurdir ó longo das vindeiras horas.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
