NOTA DE PRENSA
Musica, campionato de futbolín e de FIFA 11,repichocas,concertos e conferencias centran a programación.
Burela acolle o 17 e 18 de Decembro a súa primeira Festa da Mocidade
A Mariña, 9 de decembro de 2010. A localidade de Burela acollerá os vindeiros 17 e 18 de Decembro a súa primeira Festa da Mocidade, organizada pola asociación xuvenil Galiza Nova, que pretende ser un espacio de ocio e cultura para todos os mozos e mozas do Concello así como para os do conxunto da Mariña. Segundo Senín González, portavoz en Burela do colectivo organizador, “a festa xa cumpriu o seu primeiro obxectivo, posto que na súa preparación contamos coa colaboración de moitos mozos e mozas do Concello, e ademais tratase dunha proposta que parte da mocidade sen ningún tipo de dirixismo nin dependencia institucional e porque tamén evidenciou que en Burela hai moita xente con ganas de facer cousas. É máis esta festa racha co tópico que se pretende facer da mocidade para criminalizala e representa que a mocidade reclama o seu protagonismo fora do paternalismo”. Neste sentido desde o colectivo organizador en primeiro lugar queren convidar ao conxunto dos mozos de Burela e da Mariña a que participen destas xornadas ás que tamén se sumarán outros rapaces procedentes doutros puntos de Galiza.
O programa de actos comezará cunha conferencia que se celebrará o Venres 17 ás 20:30 no Salón de Conferencias da Antiga Biblioteca e que correrá a cargo de Xoán Ramón Fernández Pacios. Fernández Pacios, licenciado en historia pola USC, é autor dunha ampla bibliografía sobre A Mariña na Idade Media e na Idade Moderna e nesta ocasión falará sobre “Pedro Bolaño, a Burela da Baixa Idade Media”. Nas palabras de Senín González “esta conferencia vai ser un percorrido polo Burela do século XIV e XV, período do que existe abondosa documentación sobre a nosa vila, e na que a mesma aparece vinculada a este fidalgo tan importante da historia de Galiza como é Pedro de Bolaño, xenro de Pardo de Cela, e que sería o fundador do primeiro Porto de Burela. Alén do contido da charla, isto tamén desbota mitos ou falsidades de que Burela é un Concello sen historia, pois os únicos pobos que carecen dela son aqueles que non a estudan ou escreben”. A Xornada do venres rematará cunha festa-repichoca no Bar de Fuco, no que actuará o grupo burelán Dambara, que se iniciará a partir das 22:30 e que pretende mostrar aos asistentes de fora as actividades de creación no Concello e tamén xuntar a mocidade arredor da festa e do ocio.
As actividades do sábado 18 darán comezo ás 17:00h e realizaranse na Casa da Xuventude(antigo parvulario) onde se celebrará un campionato de futbolín e un torneo de FIFA 11 aberto a todos os mozos, cuxa inscrición é gratuíta habendo premios para os catro primeiros clasificados de cada un dos torneos. Segundo Senín González quen convidou a participar destes torneos “aquelas persoas que desexen participar deben inscribirse antes do venres 17 ben no correo: gnamarinha@gmail.com ou enviando un privado polo tuenti ben chamando por telefone ao número 671-85-99-06”. Asemade a entrega de premios levarase a cabo na festa concerto que se celebrará a partir das 22:00h na Discoteca El Cairo”. Neste sentido desde a organización anunciaron que a partir das 22:00h a Discoteca El Cairo acollerá unha Festa Concerto con cea a base de petiscos e que terá como prato forte un concerto que se celebrará a partir das 12 da noite no que actuarán o grupo Coruñés “Trapallada” e o grupo de Burela “Torques”. Segundo indicou Senín González “tanto un grupo como outro son de sobra coñecidos na escena musical galega, musica de estilos diferentes, mais que son representativos da creatividade e das novas tendencias musicais de Galiza. Queremos con este concerto pasalo ben, pero sobre todo divulgar as nosas expresións artísticas, algunhas das cales teñen dificultades para chegar ao público. Estamos seguros que non van defraudar a ninguén”.
Xa por último desde a organización do evento mostráronse convencidos de que esta primeira edición da Festa da Mocidade que nace cunha vocación de permanencia a bo seguro que tamén vai ser un revulsivo para actividade comercial e hoteleira de Burela pois a maiores da xente da zona que se desprace a Burela a participar das actividades tamén contamos cun importante número de persoas doutros puntos de Galiza que confirmaron a súa presenza nestes actos.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
