Nota de prensa
Once embarcacións con porto base en Celeiro (nove delas faenan en parella tirando do mesmo aparello) e sete en Burela (das cales unha faena en parella) se están a ver directamente afectadas polos recortes nas capacidades de pesca
OS GRUPOS MUNICIPAIS DO PP REXISTRAN MOCIÓNS PLENARIAS EN APOIO DAS FLOTA PESQUEIRA MARIÑÁ
o De xeito destacado preocupa os recortes no tocante ao lirio e á xarda, dúas pesquerías que aglutinan un gran número de postos de traballo directos e centos de empregos indirectos pola ampla liña de comercialización e distribución destas especies.
o Reclaman a renegociación á alza das cotas pesqueiras para o ano 2011 de todas as especies de interese comercial tras o manifesto fracaso do Ministerio socialista durante o Consello de Ministros da Unión Europea.
o Demandan que o departamento estatal que dirixe Rosa Aguilar, de non acadar unha maior cota para a flota de arrastre, estableza unha liña de axudas a armadores e tripulantes, como administración competente nesta pesquería.
A Mariña, 7 de febreiro de 2011- Os grupos municipais do Partido Popular rexistrarán nos seus respectivos plenos mocións en apoio da flota pesqueira da Mariña lucense e, nomeadamente, das adicadas á captura de lirio (en castelán bacaladilla) e da xarda, xa que estas foron as especies comerciais que maior recorte veñen de sufrir, despois do fracaso na negociación do Ministerio de Medio Ambiente, Medio Rural e Mariño durante o Consello Europeo no que se decidiron as cotas pesqueiras para todo o ano 2011.
LIRIO E XARDA
As posibilidades de pesca do lirio redúcense ata un 93% con respecto ao ano 2010 e no caso da xarda, malia que a cota é a mesma que a do ano pasado, esta xa sufriu un recorte significativo no 2010 polo que o mantemento do mesmo nivel de cota “tan reducido” supón na práctica que moitas das embarcacións pesqueiras que habitualmente faenan nestas dúas pesquerías terán que amarrar en porto prematuramente e despedir aos seus mariñeiros e tripulantes.
Os populares lembran tamén que estas dúas pesquerías aglutinan na Mariña lucense un gran número de postos de traballo directos e centos de empregos indirectos pola ampla liña de distribución que teñen tanto a comercializaicón da xarda como do lirio.
RENOCIACIÓN OU AXUDAS
Para evitar os efectos perversos do fracaso do Goberno estatal na negociación das cotas pesqueiras os populares instan ao Executivo central a renegociar á alza as cotas destas dúas pesquerías e de todas aquelas especies de interese comercial para a flota da Mariña (como pode ser a pescada). Establecen tamén que, de non conseguir esta obxectivo, o Ministerio de Medio Ambiente, Medio Rural e Mariño estableza unha liña de axudas dirixidas a tripulantes e armadores, de tal xeito que poidan ver compensada as perdas que ocasiona esta circunstancia. O Ministerio é ademais a única administración competente para negociar as cotas e para establecer as condicións de pesca destas especies e, polo tanto, este departamento estatal debe asumir a súa responsabilidade no fracaso de negociación achegando as axudas correspondentes.
18 EMBARCACIÓNS MARIÑÁS
Segundo os datos que manexan os populares da Mariña once embarcacións con porto base en Celeiro (9 delas faenan en parella tirando do mesmo aparello) e sete en Burela (das cales unha faena en parella) vense directamente afectadas polos recortes nas capacidades de pesca.
SITUACIÓN DOS CALADOIROS
Os grupos municipais do Partido Popular piden tamén que o Instituto Español de Oceanografía elabore un estudo actualizado sobre a situación dos recursos pesqueiros no Cantábrico noroeste, para coñecer a situación real dos stocks, toda vez que o propio sector está a recalcar que o nivel real de existencias de recurso son moitos máis amplas do que din os estudos. Os populares están convencidos de que ademais de criterios ambientais, tamén deben terse en conta criterios de índole social e económico para o establecemento das cotas pesqueiras.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
