Ana Ermida Igrexas.- Nestes días oiremos declaracións, leremos artigos, veremos imaxes sobre o beneficioso de que o Estado español teña como modelo de estado a república en contraposición á monarquía.
É evidente a pouca graza, e cada vez menos, coa que conta esta institución entre a poboación e, nomeadamaente, nos sectores chamados transformadores, de esquerdas, antisistema ou revolucionarios. Non serei eu quen defenda a monarquía e, moito menos, a monarquía española. Pola forma e polo fondo: esa institución caduca, vestixio do estado franquista, retrógrado e punta de lanza e modelo dunha transición que non foi tal, máis que a xustificación para continuar cun sistema inxusto para as persoas e para os pobos.
Agora ben, tampouco podemos quedar cun conto que ten pouco de final feliz. Defender a república como forma de estado, sen máis, non significa nada. Non significa cambiar de raíz o que é preciso cambiar. Significa un quítate ti para poñerme eu. Porque, paremos a pensar: viven mellor en Portugal baixo o paraugas dun xefe de estado presidente da república? Teñen maior, ou sequera mellor, calidade democrática? Deciden el@s o seu futuro, as políticas que se lles aplican ou salvar á xente en lugar de á banca? Están claras as respostas.
Polo tanto, non podemos caer na argumentación simplista de defender que a república, por si mesma, se vai converter na salvación para as e os cidadáns. Porque a salvación da xente, ten que vir de nós mesm@s. Non hai salvadores supremos. Porque ata que recuperemos o Poder Popular (da xente), ata que sexamos as mulleres e homes deste País as que decidamos sobre nós, que políticas aplicar, a quen salvar; non poderemos dicirnos libres. As liberdades do conxunto da cidadanía, a democracia, a aposta por unha ou outras políticas veñen determinadas por quen elabora e quen executa esas políticas; non polo modelo que as poña en marcha.
Son Chipre ou Grecia monarquías ou repúblicas? Quizais non o sabemos. Son soberanos? Non. Aí está a cuestión: sen soberanía non hai liberdade. Sen soberanía non hai democracia.
A solución para as galegas e para os galegos, para o noso agro, para a nosa pesca, para a nosa sanidade, para a nosa educación, para os nosos aforros… é ter un goberno soberano, ter capacidade de decidir sobre as cuestións fundamentais que nos afectan. Un goberno que goberne un País para a xente e non para o capital. Sen reis, nen raíñas; sen súbditos, nin sometidas. Só con cidadás e cidadáns, libres, soberan@s e iguais.
Por iso, cando pregunten: república? Si: Galega e Popular!
Ana Ermida Igrexas
Responsable BNG A Mariña
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
