A alcaldía de Viveiro convocaba unha nova reunión de traballo que se celebraba este xoves 3 de setembro e á que asistiron, ademais da propia alcaldesa, María Loureiro, os técnicos do Departamento de Urbanismo e da Oficina de Rehabilitación do Casco Histórico de Viveiro e mais a Secretaria Municipal. O obxectivo desta convocatoria era avaliar os procedementos de tramitación que se estaban a seguir nos casos de ordes de execución e valorar os expedientes incoados ao respecto nos últimos anos, establecendo os criterios a seguir nos requirimentos a propietarios para garantir a completa conservación dos inmobles en relación coa salubridade, seguridade e ornato.
Durante o desenvolvemento desta reunión, na que se trataron tamén os incidentes acontecidos nas últimas semanas en vivendas sobre as que recaía unha orde de execución, acordouse manter a liña de traballo desenvolta ata o de agora nas ordes de execución forzosa, adoptando a opción das multas coercitivas en todos os casos, excepto naqueles nos que o risco inminente para os bens e a saúde pública aconsellen a execución subsidiaria.
Así mesmo, acordouse iniciar os trámites para aprobar unha Ordenanza Reguladora de Inspección de Avaliación de Edificios do Concello de Viveiro que, con independencia do mantemento das medidas legalmente previstas que se veñen desenvolvendo, redundará positivamente no estado de conservación dos inmobles do municipio para evitar a progresiva degradación do patrimonio edificado ou deterioro urbanístico e social de determinadas áreas.
Acordouse, finalmente, valorar a posibilidade de crear un Corpo de Inspección Municipal que velaría pola seguridade dos espazos públicos.
Con todas estas medidas o Concello de Viveiro continúa dando cumprimento á súa obriga de velar pola protección do dominio público e, subsidiarimente, pola salubridade, seguridade e ornato dos inmobles do municipio, aínda que lembra que esta é unha obriga dos propietarios. Faise fincapé na preocupación desta alcaldía pola situación de moitos inmobles e fincas do municipio e quérese aclarar que a adopción da multa coercitiva nos expedientes de orde de execución forzosa fronte á execución subsidiaria, lonxe de perseguir un afán recadatorio, queda xustificada pola tramitación implícita que pode considerarse máis rápida e menos complexa.
Por último, a modo de resume, cómpre sinalar que o Concello de Viveiro incoou dende o ano 2007 ata agosto de 2015 un total de 587 expedientes de orde de execución, incluídos os de limpezas de fincas. O desglose por anos quedaría do seguinte xeito:
Ano Total
2007 25
2008 63
2009 68
2010 75
2011 56
2012 32
2013 87
2014 81
2015 87 (ata 31/08/2015)
Na presentación participaron o delegado territorial Javier Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
