Lourenzá 30 de outubro de 2.017.-Trala nota publicada pola Sra. Alcaldesa de Lourenzá na web institucional do Concello e tamén en varias web´s de información e medios de prensa escrita, quixera aclarar o seguinte.
Durante o meu cargo como Concelleiro de Deportes, e máis concretamente en marzo e abril deste ano, solicitei presuposto a varias empresas , para a colocación de asentos nas gradas do pavillón de deportes e tamén para a colocación de dous banquiños no campo de entreno anexo a Sta. Cruz.
Ditos presupostos chegaron ao meu poder no mes de abril, e foron todos eles facilitados a Alcaldía do Concello, dos cales gardo copia, pregándolle os tivese en conta para acometer as melloras oportunas. Como con outras moitas cousas neste Concello, foi pasando e foron quedando, non por desinterese meu, se non pola falta de operatividade total e absoluta da Alcaldesa. Son moitas as mensaxes que dende aquela lle mandei para interesarme polo estado destes traballos,
Agora dende a Alcaldía aproveitan a miña baixa como Concelleiro do PSOE para outorgarse un punto dicindo que se acometen estas melloras despois de reunirse a Sra. Alcaldesa coa directiva das Escolas Deportivas, reunión na cal eu tamén estaba presente, xa que formo parte da citada Directiva, e todo o que se falou naquela reunión non foi máis que o que eu persoalmente lle fun trasladando no meu mandato como Concelleiro de Deportes, puntos dos cales foi pasando ata agora, para como dicía intentar sumar un punto cando non lle corresponde, como outras moitas veces.
Incluso fai mención tamén a rede que está instalada trala portería do campo principal de Sta. Cruz. Dita rede e tras os fortes ventos do outono de 2.015 caera; solicitei a súa reparación, a cal foi acometida a presa e de calquera maneira… Comentei no seu momento que iso non ía durar e a resposta recibida “cando volva a romper xa se amañara”, pois ben, volveu caer, e agora tamén aproveita a dicir que tras esa reunión lle solicitaron reparala…
Alégrome persoalmente, que por fin a Alcaldía teña en conta o deporte, pero o que non vou permitir é que diga que no tempo que eu fun Concelleiro de Deportes non me interesei; máis ben todo o contrario, foi o seu desinterese, xa que ambas actuacións que agora fai como súas, foron, como comentaba, solicitadas pola Concellería de Deportes da cal eu era o máximo responsable.
Francisco Dasilva Rivas
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
