Ribadeo, 12 de decembro de 2017. A concelleira de Turismo, Ana Martínez, fai un balance positivo da pasada ponte festiva na que a localidade e a praia das Catedrais recibiron a centos de visitantes. A edil tamén fixo referencia ao Mercado do Nadal, que se celebrou do 6 ao 10 de decembro, e asegurou que os vendedores marcharon satisfeitos a pesares do mal tempo rexistrado eses días.
Ana Martínez dixo que “de novo e como todos os anos, a pesares do mal tempo que puidemos ter nesta ponte da Constitución, o Mercado de Nadal de Ribadeo estivo moi ben, con moita xente e moita participación. Foi un punto de encontro importante para que a xente se achegase a Ribadeo e non soamente ao Mercado, que tamén, senón que puidese facer parte das súas compras, ou iniciar as súas compras navideñas no resto do comercio local”.
A concelleira de Turismo sinalou que “en canto ao que supuxo o mal tempo, o domingo xa foi un día no que os artesáns tiveron que recoller por mor desa cicloxénese que se anunciaba, pero o resto dos días houbo unha participación similar a outros anos. Todo o mundo marcha contento e pedindo volver a este Mercado de Nadal de Ribadeo, e creo que iso reflicte claramente o que supón”.
A edil nacionalista subliñou que “estamos satisfeitos a pesares do tempo e de que nalgúns momentos tivemos que anular algunhas das actividades que tíñamos programadas como foi o caso do domingo, pero aínda así e sempre dentro das nosas posibilidades, porque as climatolóxicas non as podemos gobernar, estamos contentos”.
Martínez indicou que “durante esta ponte a Oficina de Turismo do centro de Ribadeo abriu todos os días, en horario normal de mañá e tarde. Un dato importante é que tivemos unha consulta de visitantes moi superior a outros anos, de feito con referencia ao ano anterior, foron 334 persoas máis as que pediron información na Oficina de Turismo, e xa no anterior foron unhas 239 máis que no 2015”.
A responsable de Turismo concluíu o balance manifestando que “en Ribadeo durante esta ponte de decembro houbo moita xente, moita dela ven pola praia das Catedrais, pero supón que está vindo a Ribadeo, que está quizais pernoctando un pouco máis, aínda que é un traballo importante que temos que seguir facendo. O balance é moi positivo, e hai que seguir traballando para que precisamente fora da época estival a xente tome como referencia vir disfrutar, vir pasear e vir comprar a Ribadeo”.
A concellaría de turismo de Ribadeo fai un balance positivo do mercado do nadal e da ponte festiva, na que se rexistraron máis visitantes que o pasado ano
Relacionado
-
O alumnado de 6º de Primaria do Sagrado Corazón de Ribadeo celebra a súa graduación e paso á ESO
-
O BNG facilita a aprobación dos orzamentos de Foz pero advirte que “non é un cheque en branco”
-
Este luns abre o prazo para solicitar autorizacións para celebrar comidas na rúa durante a Feira Renacentista de Viveiro
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
