A Mariña 19-3-18. O Observatorio da Mariña pola Igualdade continúa coa súa programación do primeiro trimestre 2018, neste caso, coa organización do obradoiro “Alianzas no feminismo” que terá lugar o sábado 24 de marzo ás 11:00h na Casa de Cultura de Burela.
Este obradoiro será impartido por Antoinette Torres Soler, experta en educación e diversidade e unha das fundadoras de Afroféminas, proxecto dixital en liña para as mulleres afrodescendentes/negras, un espazo que dá voz ás mulleres negras de fala hispana a través de internet e os medios.
O obxectivo do taller é o de amosar distintas experiencias de mulleres racializadas, tanto no ámbito profesional como nas súas vidas cotiás, que están completamente invisibles dentro do discurso feminista hexemónico. Tamén se analizará o que se entende por privilexio e as formas en como se manifesta para darnos ferramentas que nos axuden a derribar eses muros que nos separan da diveresidade, buscando novas formas de visibilización das micro e macro agresións cara as persoas diversas e como combatelas
desde todos os ámbitos.
Será un obradoiro aberto, de dúas horas de duración, de carácter dinámico e que non precisa de coñecementos previos na materia para participar.
“Alianzas no feminismo”
-
SeguinteO secretario de Organización e deputados no Parlamento de Galicia, Daniel Vega, acompañado do alcalde de Xove, Demetrio Salgueiro, proseguiu esta fin de semana neste municipio da Mariña a rolda de contactos con afiliados e simpatizantes dsa comarca, co fin de pulsar a súa opinión e recoller as súas propostas
Relacionado
-
O alumnado de 6º de Primaria do Sagrado Corazón de Ribadeo celebra a súa graduación e paso á ESO
-
O BNG facilita a aprobación dos orzamentos de Foz pero advirte que “non é un cheque en branco”
-
Este luns abre o prazo para solicitar autorizacións para celebrar comidas na rúa durante a Feira Renacentista de Viveiro
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
