27 de marzo de 2016. 1.- Por primeira vez na historia da Deputación, representantes políticos non respectan a representación sindical e tumban un ACORDO UNÁNIME SINDICAL. Caso semellante ao que está acontecer na Xunta de Galicia cos sindicatos de xustiza.
2.- No Pleno do 21 de decembro de 2017, o Goberno da Deputación presentou a proposta de Relación de Postos de Traballo (RPT) aprobada por unanimidade polos representantes sindicais na institución (UGT, CC.OO, CSIF e CIG). En dita sesión plenaria, esta foi aprobada cos votos a favor de PSOE e BNG, e coa abstención do PP.
Durante o prazo legal de exposición pública da RPT, presentáronse 25 alegacións individuais de traballadores da Deputación, que representan o 4,97% do total de empregados públicos na institución.
Tras seren atendidas e facer as correspondentes modificacións, os representantes sindicais no organismo provincial volveron acadar a unanimidade.
Ante esta situación, o pasado xoves, celebrouse a Comisión Informativa (órgano que por lei hai que convocar previamente ao Pleno) sobre a proposta da RPT. Na votación, o PSOE votou a favor mentres que PP e BNG cambiaron o sentido do seu voto, absténdose.
No Pleno deste martes, a proposta de RPT ACORDADA UNANIMEMENTE POLOS SINDICATOS contou con 10 votos a favor do PSOE e 1 en contra, 2 abstencións do BNG e 12 votos en contra do PP, que volveu a cambiar o sentido do seu voto.
3.- Tras coñecer durante a sesión plenaria de hoxe o cambio de voto do PP (da abstención ao voto en contra) e que este derivaría na non aprobación da proposta unánime dos representantes sindicais, pois o BNG tamén avanzou que mantería a súa abstención, aínda que no Pleno de decembro votou a favor; o Presidente fixo un receso de 5 minutos para avaliar as alternativas posibles. Deste xeito, decidiu manter a proposta unánime dos sindicatos e levar a cabo a votación que, tal e como se prevía, supuxo a non aprobación da RPT respaldada por todos os representantes sindicais.
O seguinte paso será agora xuntarse de novo con todas as centrais sindicais para avaliar o acontecido e estudar todas as medidas legais para a aplicación da RPT, pois xa conta co apoio unánime sindical, feito que dende hai décadas non acontecía na Deputación.
4.- Ante as falsas manifestacións realizadas, é preciso aclarar que a proposta definitiva da RPT co acordo unánime de todos os representantes sindicais presentada na sesión plenaria deste martes compre rigorosamente coa legalidade. Conta con todos os informes favorables, que ratificaron os máximos representantes administrativos da Deputación de Lugo. A súa aplicación, que non aprobación, está condicionada á aprobación da Lei de Presupostos do Estado, que todas as administracións públicas teñen que cumprir, pois establece límites neste senso. As 25 alegacións foron presentadas por traballadores da institución de xeito individual. A maiores, fixéronse 5 suxestións de mellora organizativa de áreas provinciais que, para a súa formalización, deben contar coa sinatura do/a responsable do departamento correspondente. Foi o caso da área de Benestar e Emprego, Actas ou Patrimonio e Inventariado.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Sinopse: Cando chega a noite e nós durmimos, a Lúa asoma polas fiestras e goza dos nosos soños. Así descobre historias máxicas, tolas e divertidas. Os seus soños favoritos son os de Calcetín, un personaxe amante da lectura e cunha imaxinación desbordante. Viaxa entre estrelas, pilota un zapato que percorre os mares ou chega ao mundo do revés. Unha proposta chea de fantasía e creatividade para fomentar o gusto pola lectura entre os máis pequenos.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
