O PP de Lourenzá afirma que “a alcaldesa é unha especialista en mentir e terxiversar a verdadeira realidade”

Lourenzá, 21 de marzo de 2018.- O PP de Lourenzá amosa “a súa sorpresa” ante as declaracións emitidas pola rexedora local que, segundo afirman, “distan tanto da realidade que, como especialista que é nisto, o único que fai e mentir ou terxiversar a verdadeira realidade”. A este respecto, sinalan que “ isto non nos sorprende, pois é algo ao que estamos acostumados”. Por iso, engaden, “nós non nos imos poñer á altura desta señora ou de quen actúa de alcalde na sombra”. Con todo, si que consideran necesario realizar e aclarar cada unha das cuestións nas que a socialista “falta á verdade”.

En primeiro lugar, polo que se refire á non presentación de mocións, os populares advirten que en todos os Plenos presentan varios rogos de interese municipal e que respostan a demandas dos veciños. “Non presentamos moitas mocións porque cremos que entrar en debates estériles non supón ningún beneficio para Lourenzá. Trátase de facer unha oposición construtiva, de ser útiles e eficaces; nada máis”, remarcan.

En segundo lugar, a voceira do PP desminte publicamente que existise alguha crise interna durante o seu mandato. Proba delo, asegura, “é que gobernei durante máis de dous anos, cun equipo que xa estaba -como é lóxico- e ningún dos membros presentou ningunha renuncia, nin criticou a xestión que fixen mentres entiven na alcaldía. Ademais, parte deste equipo é o que segue na oposición”, remarca. Neste senso, cando a socialista di que “teño que varrer a miña casa, a miña resposta é moi clara: non só seguimos os mesmos, senón que estamos máis unidos ca nunca. Non sei se ela pode afirmar isto con tanta rotundidade como o poido facer eu”, defende.

“Nun exercicio de responsabilidade”
Sobre a asociación Amas de Casa, Emma Álvarez manifesta que presentou a súa dimisión “nun exercicio de responsabilidade e porque non lle podía adicar todo o tempo que precisa unha organización deste tipo. Cando non son capaz por cuestións varias, como poden ser persoais, non teño ningún problema en dar un paso atrás e deixar paso. Creo que non existe maior lealdade que isto. Por outra banda, non sei en cantas asociacións está a alcaldesa?. Esta é unha cuestión que ela mesma nos podería aclarar”, indica. Con todo, destaca que, mentras estivo na directiva, se fixeron os mesmos cursos que en anos anteriores e incluso se realizaron actos novos para conmemora os Días da Violencia de Xénero ou da Muller.

“Desfachatez da socialista”
Asemade, dende o PP tamén reproban “a desfachatez coa que actúa a socialista”, pois unha das comidas que a entidade local celebrou con motivo destes días, a rexedora “no só os copiou a idea, senón que nola reventou, porque na que organizou non cobrou o IVE”. De feito, aseguran, “non presentou factura”, como así o recoñeceu nun Pleno, a pregunta do Grupo do PP”.

“Máis dignidade política”
A este respecto, a popular quere aproveitar a ocasión para esixir “máis dignidade política ao goberno local”, e non obvie á oposición naqueles actos de especial interese para a veciñanza e de calado turístico ou de desenvolvemento económico para o municipio. “Cremos que temos que estar naquelas cuestións que si teñen un valor para os veciños e o municipio, porque o resto é unha falla de respecto aos laurentinos e, nisto, quero que lle quede claro á alcaldesa, nunca nos vai a atopar”, conclúe.