Ao pouco de chegar a Burela, fai xa 17 anos, vin o muro do porto. É fácil velo, a verdade. Sobre 100 metros de paredón branco feito con paneis de 6 metros por 2, todos iguais, todos a 3 metros do chan, pegadiños ao mar, paralelos a el, sobre outro muro de grandes pedras rectangulares. Menudo escenario. Sentín daquela unha cousa semellante á que se podería sentir se un entrara no Museo do Prado e todas as paredes estiveran desertas de obras de arte. Baleiras. A ese muro faltabálle algo. A ese diario faltábanlle as historias. Era coma os grelos sen o lacón, coma o polbo sen o aceite de oliva e pemento. Iso pensei: Que BONITO sería velo cheo de ARTE. De punta a cabo, dun extremo ao outro. Pareceume unha utopía, pero pequena, non a do Mundo Feliz de Huxley, nin a dun mundo sen guerras, non, non, algo máis sinxelo. Factible incluso. Anos despois, tendo a oportunidade de botar un cable no plano cultural deste pobo mariñeiro con encanto, parte dunha Mariña máxica e chea de posibilidades, puidemos facer aquel soño realidade, aquela rebeldía da imaxinación podería tomar forma. Déronse os pasos administrativos necesarios e naceu A-mar-te. Cando os artistas remataron a primeira edición a satisfacción foi enorme. Foron quenes de convertir os bocetos que propoñían ao principio en xigantescas pinturas evocadoras do mar e dos seus segredos. Empezaban a desfilar os fotogramas dunha película en torno a este tesouro azul que baña a nosa costa. Este ano tócalles a outros 10 artistas seguir agrandando o soño, que xa non e só meu, senon de todo o pobo, de toda esta comarca, que como equipo, como unha soa, penso que sería incomparable a ningunha outra do país. Vir o primeiro fin de semana de agosto a degustar o bonito que aquí sabe como non sabe en ningún outro lugar (porque chega a porto entre algodóns e cocíñase entre fogóns con forma de corazóns), e dar un paseo polo muro, vendo aos pintores crear as súas obras, as nosas obras, é o mellor plan que se pode facer este fin de semana, créanme. Xa sei que podo non resultarlles obxectivo dado que falo desde dentro, pero asegúrolles de corazón que a miña intención é selo. A única maneira de saber se é certo o que lles conto é achegarse a Burela este fin de semana. Moitos xa o ían facer, estou seguro, pero os que non o tiñan claro ou non sabían disto, agora xa o saben.
José Díaz
Concelleiro de Cultura (Burela)
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
