Viveiro 18-8-18. O BNG de Viveiro exixe a cobertura de persoal médico no Centro de Saúde de Viveiro
O SERGAS NON CUBRE AS AUSENCIAS DO PERSOAL.
“Actualmente na quenda de mañá do Centro de Saúde de Viveiro (formada por 7 efectivos) unmédico xubilouse e outra médica tivo un nomeamento político e o SERGAS non os substitúe agás de xeito esporádico e aleatorio” , explican dende a fronte nacionalista.
As consecuencias de que non se cubran as ausencias do centro de saúde de Viveiro “son moitas”, e entre outras destacan a masificación das consultas, os “cupos” profesionais por enriba do establecido legalmente e a redución de profesionais. Todas elas, aseguran, polas «decisións quelevan á deterioración estrutural da atención primaria en Viveiro».
UNHA SÓA MÉDICA PARA CUBRIR TRES NA QUENDA DE TARDE.
Dos tres médicos que pasan consulta na quenda de tarde no Centro de Saúde só un traballou o mércores 14 de agosto, nunha poboación que ademais medra coa chegada de veraneantes, denuncia o BNG. Unha médica atópase de excedencia (sen substituír), outro médico de vacacións (non se substituíu) quedando o centro cunha soa médica.
TRES HORAS DE AGARDA PARA COMUNICARLLES QUE NON TERÍAN ASISTENCIA.
“A persoas xa estaban citadas xa que o SERGAS comprometerase a cubrir un segundo médico, mais chegaron as seis da tarde e foilles comunicado que tiñan que marchar para as súas casas xa que finalmente non ían mandar ningún substituto, quedando sen asistencia sanitaria”, afirman.
Unha destas decisións é a de non substituír ao persoal cando está de vacacións, por xubilación ou por outros motivos, o que está a ter como consecuencia «a redución de servizos e unha sobrecarga asistencial brutal nunha vila que ve aumentada a poboación durante o período estival polo turismo» , engaden.
DERIVACIÓNS A BURELA.
Dende o BNG de Viveiro lembran tamén o odontólogo está de vacacións até o 20 de agosto e derívanse a Burela só as urxencias, deixando sen atención as consultas ordinarias durante un mes enteiro. Dende a fronte nacionalista esixen ao SERGAS a cobertura de todas as ausencias e consideran que “é básico rescatar a sanidade pública da Mariña e dignificar a Atención Primaria para garantir un servizo básico de calidade e proximidade fronte o goberno do PP que pretenden convertela nun privilexio”.
“O BNG de Viveiro estivo, está e estará sempre na defensa dunha sanidade pública de calidade e de proximidade que garanta unha atención digna para a veciñanza e pregúntanlle ao popular Antonio Bouza, se estes son os máis e mellores servizos dos que o PP cacarexa ”, conclúen.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
