Seguindo co calendario previsto, a asociación Pasada das Cabras desprazouse este sábado á Pontenova para realizar unha das rutas con maior encanto de Galicia: a ruta dás Reigadas. No 2007 foi declarada Reserva da Biosfera pola Unesco e está situada dentro da área “Rio Eo, Os Oscos e Terras de Burón”. Na mesma, ademais de diversas árbores autóctonas, pódense ver distintos elementos etnográficos como ouriceiras, muíños ou a Ferrería de Bogo do século XVI. A camiñada percorrida foi de aproximadamente 15 Km. e os participantes quedaron gratamente impresionados por todo o visto e vivido nesta xornada. A próxima saída será o 8 de setembro a Ponferrada para visitar As Médulas.
Ruta de Pasada das Cabras na Pontenova
Relacionado
-
Ducias de persoas participaron este sábado na II Andaina Ribadeo en marcha contra o cancro, organizada pola AECC. A saída tivo no parque de San Francisco e seguiu pola rúa Villafranca del Bierzo, Avenida Calvo Sotelo ata a Illa Pancha e volta ao punto inicial
-
Pastoriza celebrou con éxito este venres a segunda edición da Festa da Xuventude, que reuniu unhas 230 persoas nunha cea popular seguida dunha animada verbena con actuacións locais
-
Saída de vía dun turismo en Ribadeo
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
