Desde o pasado mes de xaneiro, Alfoz e O Valadouro realizan a xestión compartida do servizo de recollida domiciliaria de lixo e do punto limpo. Para o seguimento deste servizo púxose en marcha unha Comisión Mixta formada por membros de todos os grupos municipais de ambos concellos.
Na primeira reunión da Comisión Mixta, celebrada no pasado mes de abril para o seguimento da implantación do servizo, analizáronse as posibles deficiencias e pedíuselle á empresa adxudicataria a elaboración dun calendario de rutas a realizar e, polo tanto, da frecuencia das mesmas. Este calendario, tal e como estipula o prego de prescricións técnicas do contrato, debe ser sometido á consideración e á aprobación final por parte de ambos concellos. Nesa mesma reunión, Xabier Pardiñas, voceiro do Grupo Municipal de Veciños Independentes de Alfoz, advertiu que no Concello de Alfoz se estaban realizando menos recollidas das estipuladas, entendendo por estas as que se realizaban antes do inicio da prestación do servizo polo novo adxudicatario, é dicir, como mínimo, dúas veces á semana o colector verde e unha vez á semana o colector amarelo, en todo o concello.
Tras as queixas recibidas por parte de veciños de diferentes parroquias, desde VIA tense comprobado que “hai barrios onde se están recollendo os colectores verdes unha única vez á semana e os amarelos cada 15 días, quedando depositado o lixo, en moitos casos, incluso fora dos colectores”.
Ademais considérase que se está incumprindo o prego de prescricións técnicas do contrato en canto á obriga de mantemento, reposición e conservación dos colectores, xa que se comprobou que existen algúns en condicións deficientes, “isto sen contar que desde o Concello de Alfoz se entregaron 80 colectores amarelos e 20 verdes”, tal e como apuntan desde VIA.
Por outra parte, despois de revisar os datos de xeración de residuos tanto no estudo de viabilidade do servizo, coma nos datos de vertido do ano 2017, VIA considera desequilibrado o retarto de pesadas en función das cifras oficiais de poboación de ambos concellos, sendo perxudicado o Concello de Alfoz, máxime se se ten en conta que a frecuencia de recollida no Concello de O Valadouro é maior.
Por estes motivos, VIA ven de solicitar a convocatoria dunha sesión extraordinaria da Comisión Mixta para a xestión compartida do servizo, ao considerar que non se están cumprindo os obxectivos do contrato, “xa que se pretendía que coa xestión compartida se abarataran os custes e se mellorara o servizo”, tal e como indica a Xabier Pardiñas, voceiro de VIA.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Sinopse: Cando chega a noite e nós durmimos, a Lúa asoma polas fiestras e goza dos nosos soños. Así descobre historias máxicas, tolas e divertidas. Os seus soños favoritos son os de Calcetín, un personaxe amante da lectura e cunha imaxinación desbordante. Viaxa entre estrelas, pilota un zapato que percorre os mares ou chega ao mundo do revés. Unha proposta chea de fantasía e creatividade para fomentar o gusto pola lectura entre os máis pequenos.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
