Mondoñedo, 8 de agosto de 2019.- A alcaldesa de Mondoñedo, Elena Candia, desprazouse onte ata a capital do Ribeiro, Ribadavia, na provincia de Ourense, para dar a coñecer o XXVIII Mercado Medieval que a cidade mindoniense acollerá dende mañá venres ata o domingo.
Despois de achegarse a Oviedo e Santiago de Compostela, agora Elena Candia convida en Ribadavia –municipio que tamén celebra unha festa de ambientación medieval: a Festa da Istoria- aos veciños e veciñas do Ribeiro, e de toda a provincia de Ourense, a achegarse a Mondoñedo para vivir o Mercado Medieval de Mondoñedo, declarado Festa de Interese Turístico Galego. Candia estivo acompañada polo rexedor local, César Fernández Gil.
A alcaldesa tamén mantivo unha reunión coa Coordinadora da Festa da Istoria, que anualmente recorda a historia da vila de Ribadavia e da súa bisbarra, nunha recreación medieval onde se encontran representadas as distintas culturas, relixións, oficios e clases da época, outorgándoselles recoñecementos a nivel rexional, estatal e internacional. O encontro permitiu que se tendesen “pontes de traballo e de colaboración” de cara a vindeiras edicións entre as dúas cidades que no mes de agosto reviven o seu pasado medieval, segundo traslada Elena Candia. Ademais, esta colaboración farase tamén extensible a outras actividades de diferentes agrupacións tanto mindonienses como de Ribadavia.
Entorno privilexiado e recoñecemento ao labor dos voluntarios
En Ribadavia, a rexedora mindoniense puxo en valor “o marco incomparable para a celebración do Mercado Medieval que constitúen as rúas de Mondoñedo –que forma parte da rede de Los Pueblos Más Bonitos de España- e o entorno da catedral -declarada Monumento Nacional en 1902 e Patrimonio da Humanidade pola UNESCO no 2015 xunto ao Camiño Norte que tamén pasa por Mondoñedo, ademais de ostentar a distinción de Ben de Interese Cultural (BIC)-”.
Pero, ademais desta localización que contribúe a “unha ambientación perfecta” e o apoio de veciños e visitantes que asisten caracterizados de época; hai que destacar “o imprescindible labor dos voluntarios que fan posible esta cita ano tras ano”. Como sinal de recoñecemento polo seu traballo, o pregón desta vixésimo oitava edición correrá a cargo de Concepción López, filla de Pepín Agrelo, un dos impulsores do Mercado Medieval de Mondoñedo.
Así mesmo, “o éxito desta cita que cada ano gaña visitantes radica tamén na implicación dos traballadores municipais, o comercio, a hostalería local e outras tantas persoas que colaboran para que cada edición vaia a máis”, tal e como remarcou Elena Candia.
Espectáculo de luces na fachada da Catedral
A Catedral de Mondoñedo será a protagonista dun espectáculo de luces que se proxectará sobre a súa fachada o sábado 10, xornada na que tamén se desenvolverá un espectáculo aéreo e de circo –que tamén se repetirá o domingo 11- seguidos dunha queimada popular.
“Este ano substitúense os números de lume polo espectáculo de luz sobre a Catedral que, sen dúbida, merecerá a pena presenciar en vivo”. Deste xeito, “a organización da cumprimento, así, ao Plan de Seguridade”, expuxo a alcaldesa.
A programación inclúe novidades e aposta polos espectáculos que máis gustan
Entre as principais novidades do programa desta edición atópase o concerto de música andalusí, cristiá e sefardí denominado “La Mujer en el Al-Andalus”, así como unha representación histórica sobre as orixes da Cidade de Mondoñedo a cargo da Asociación Cultural O Pasatempo e en homenaxe aos amigos do Mercado Medieval.
Con todo, a organización continúa a apostar tamén polos espectáculos que máis gustan coma, por exemplo, o torneo medieval a cargo de Hípica Celta, o campamento infantil, as vodas medievais ou a cea medieval da noite do sábado; ademais das actuacións de rúa durante todo o día.
En total, serán preto de 150 os postos de alimentación e artesanía os que se instalen nas rúas do casco histórico onde tamén se desenvolverán as máis de 80 actividades previstas que inclúen demostracións de oficios tradicionais –fiandeiras, palilleiras, zoqueiro, cantería ou coiro- e espectáculos de animación –música, títeres e humor- aos que hai que engadir tamén exhibicións de cetrería, entre outros espectáculos.
Elena Candia presentou en Ribadavia o XXVIII Mercado Medieval de Mondoñedo que se celebra no “marco incomparable” do casco histórico da cidade
Relacionado
Celebrouse este luns na Delegación Territorial da Xunta en Lugo en memoria das vítimas dos terremotos de Venezuela.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Ao acto, que tivo lugar diante da sede da institución provincial, asistiron deputados e deputadas, membros da corporación provincial e empregados públicos, que gardaron un minuto de silencio como mostra de respecto e solidariedade coas persoas afectadas pola catástrofe. A Deputación quixo así unirse ao chamamento realizado pola FEMP en toda a España, expresando o seu apoio ao pobo venezolano nestes momentos de especial dificultade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
