Madrid, 13 de abril de 2022. O deputado do BNG no Congreso, Néstor Rego, rexistra iniciativas para que o Goberno do Estado realice as xestións e trámites para dotar aos partidos xudiciais de Viveiro, Vilagarcía de Arousa, Ribeira e Carballo dun novo xulgado de primeira instancia e instrución. A organización nacionalista demanda non suprimir os partidos xudiciais existentes na Galiza e tamén non reducir as competencias dos mesmos na actualidade para garantir unha boa atención xudicial para os galegos e galegas para atender todo o volume de asuntos.
De 2010 a 2018 non se crearon xulgados novos na Galiza fóra das novas unidades nas cidades de Ourense, Ferrol, Vigo e A Coruña e, paralelamente, tampouco os partidos xudiciais das localidades galegas experimentaron algunha clase de variación no número de xulgados. Unha realidade que, no BNG consideran preocupante e unha “clara expresión da estratexia dos diferentes Gobernos do Estado que ten por obxectivo a concentración dos servizos xudiciais nas sete cidades máis poboadas da Galiza”.
A situación de desatención no resto de partidos xudiciais está abocándoos á súa extensión que mesmo se reflicte na comunicación emanada polo Consello Xeral do Poder Xudicial, en cumprimento da Lei de Planta e Demarcación Xudicial. Neste escrito asinado na sesión do 26 de febreiro de 2021, o organismo estatal estabeleceu a necesidade de crear diversas unidades xudiciais en varios partidos xudiciais da Galiza. “A creación do xulgado mixto número tres en Viveiro e o número catro tanto en Vilagarcía de Arousa, Ribeira e Carballo” explica o deputado.
“A Xunta de Galiza non recolleu nin asumiu a proposta realizada” denuncia Néstor Rego sabendo que é un dos requisitos que se precisan para que o Ministerio de Xustiza redacte a correspondente disposición normativa e procederá á tramitación do ou dos proxectos.
Mentres a Administración galega evadía a súa responsabilidade, o Goberno do Estado unicamente acordou ampliar a administración de Xustiza na Galiza cun novo xulgado na cidade da Coruña. Ademais, lembra que o Goberno ten pendente aínda cumprir co compromiso de ampliar o número de xulgados de violencia de xénero na Galiza e, en concreto, de maneira urxente, en Santiago de Compostela, Lugo e Ourense.
En definitiva, o Goberno non pode desatender as necesidades e servicios xudiciais na Galiza, e deben dotarse con urxencia, cando menos, os partidos xudiciais de Viveiro, Vilagarcía de Arousa, Ribeira e Carballo cun novo Xulgado de Primeira Instancia e Instrución. “Os xulgados mixtos de Ribeira, Vilagarcía de Arousa, Viveiro e Carballo presentan unha taxa de conxestión superior á media galega e á estatal, incompatíbel cunha adecuada prestación de servizo público, e cun ingreso de asuntos na vía civil superior ao módulo aprobado” afirma o deputado do BNG.
“Tamén queremos saber se entra nos plans do Goberno a supresión dos partidos xudiciais actualmente existentes en Galiza ou a redución de competencias para a celebración de vistas e práctica de dilixencias e actuacións nas actuais sedes dos Partidos Xudiciais existentes” explica Rego. Para o deputado, existen necesidades estruturais nos partidos xudiciais da Galiza polo que “é urxente a realización de melloras na planta xudicial que permitan unha adecuada xestión xudicial para a cidadanía galega”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
