Ribadeo, 11 de agosto, 2022. Ao longo deste proceso de concesión dunha licenza para explotar de forma privada unha parte da Illa Pancha, a prudencia foi a guía que orientou a actuación do goberno do BNG. Cada decisión que tomaban as autoridades competentes sobre a explotación da Illa Pancha foi analizada polo miúdo para dar a resposta acaída por parte do goberno municipal. O obxectivo deste era non incorrer en erros que puidesen derivar en actuacións unilaterais adoptadas por parte do Concello de forma precipitada e que puidesen dar pé a procedementos xudiciais que se volvesen contra o Concello de Ribadeo e contra as súas arcas públicas, as de todas e todos nós.
Tanto a Xunta como Portos do Estado teñen tomado decisións a respecto de Illa Pancha que, gustándonos máis ou menos, ou nada, en canto foron adoptadas de xeito formalmente correcto, a reacción ante elas, no que a procedemento administrativo se refire, era a que estaba regrada. Podemos imaxinarnos mil e un preitos ao respecto, pero non se ve que fosen moi viábeis cando outras organizacións políticas puideron ter abordado o tema con recursos xudiciais e desistiron. Unha licenza de obra, ou de permiso de actividade empresarial, solicitada en tempo e forma cos informes preceptivos, non pode ser rexeitada sen caer en prevaricación.
Con respecto ás decisións tomadas no ámbito competencial da Xunta de Galicia, temos que facer notar que non houbo cambios na cor política do goberno da Xunta de Galicia, pero pódenselle, e téñenselle reclamado, explicacións. Desde 2018, tras a moción de censura a Mariano Rajoy, houbo un cambio no goberno central que podería ter botado luz sobre o tema que tratamos. Pero, incluso despois co goberno de coalición PSOE-Unidas/Podemos desde decembro de 2019, poderíase ter clarificado a cuestión. En efecto, tardaron ben tempo en recoñecer o problema e tomar a decisión de obrigar a facer libre o acceso a Illa Pancha. E iso que o mesmo Defensor del Pueblo, Francisco Fernández Marugán, tiña amosado as súas suspicacias sobre o asunto; e tamén despois o Tribunal Superior de Xustiza de Galicia pronunciárase sobre o tema defendendo o acceso libre á illa.
Pero dito goberno, en concreto o seu Ministerio de Fomento, máis especificamente a Autoridade Portuaria, singularmente a Autoridade Portuaria de Ferrol-San Cibrao, tardaron ben tempo en recoñecelo e mostrar interese por obrigar a facer libre o acceso a Illa Pancha. E iso que o Tribunal Superior de Xustiza de Galicia fallou, tras o recurso interposto polo Concello de Ribadeo, gobernado polo BNG de Ribadeo, que había que abrir a cancela de acceso á Illa Pancha e deixar entrar libremente á illa.
O BNG e o Goberno Municipal de Ribadeo sempre estiveron atentos en todo este proceso para acadar o obxectivo de conseguir acceder libremente á Illa Pancha. Desde o Goberno de Ribadeo nada se obxectou ás actividades que o Estado puidese concesionar nesta illa, apartamentos turísticos ou unha cafetaría, como de feito fai noutros espazos públicos da súa titularidade no resto do litoral. O que sempre rexeitou o Concello foi que un concesionario duns 500m2 se apropiase de facto dos 12.000m2 da superficie total da illa.
Custou moitos esforzos lograr que as autoridades competentes entrasen en razón. O goberno municipal do BNG non deixou nunca este tema de lado. E ten advertido en moitas ocasións de que as sentenzas emitidas sobre este tema ou non eran cumpridas, ou só o eran cando lle conviña á empresa concesionaria. Pero non nos enganemos: os concellos teñen as competencias que teñen; no se poden atribuír as que son propias dos gobernos autonómico ou central. Atender ao papel que xoga cada quen nesta historia é crucial para non se perder en mil e unha leas interesadas.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
