Ribadeo, 10 de novembro de 2022. No pleno ordinario celebrado onte no Concello aprobouse por unanimidade consignar no presuposto de 2023 o investimento total para proceder ao amaño do Hospital Asilo. Trátase de 1.600.000 euros, a través dun préstamo. Logo xa se verá cómo participan o resto das administracións. O equipo de goberno comprométese para que Ribadeo siga contando con dúas residencias públicas, segundo subliñou esta mañá o alcalde, Fernando Suárez.
O rexedor contou que “foi moi produtivo e moi instrutivo o pleno ordinario de onte. Case todos os puntos saíron adiante por unanimidade e algún, moi importante, só cos votos do BNG e do PSOE, coa abstención do PP. Expedientes de recuperación e deslindes de camiños públicos e suba do IPC nas taxas da auga, do saneamento e da piscina, e outros menores económicos foron aprobados por unanimidade”.
Houbo novos acordos firmes para o presente e futuro do Hospital Asilo: “o tocante ao Hospital Asilo, debemos dicir que o pleno de onte marcou xa por fin un rumbo fixo e determinado do presente, do futuro inmediato e do futuro en xeral dese centro. Tal e como propuxemos, aprobáronse tamén por unanimidade as varias propostas técnicas a ter en conta: consignar no presuposto do 2023 toda a inversión para amañalo, máis de 1.600.000 euros, a través dun préstamo, reasignar transitoriamente ao seu persoal a cometidos similares no Concello, coordinar e colaborar como sempre o facemos coa congregación relixiosa que o xestiona moi ben, e trasladarlle todo isto ás outras administracións, nomeadamente a Xunta de Galicia, para a derivación dos usuarios e usuarias aos Centros de Maiores públicos e de proximidade durante o tempo das obras”.
Suárez Barcia subliñou: “polo tanto, o Concello manifesta e comprométese formalmente con toda esta tarefa titánica que ten por diante, as demais administracións verán o que fan. Nós temos o norte de que queremos que ese centro asistencial teña unha nova vida, remozado, actualizado, e que Ribadeo manteña dúas residencias públicas”.
Renovación do Padroado da Fundación Escola Pedro Murias
O alcalde relatou que “outro dos asuntos foi unha Proposta da Alcaldía para demandarlle á Xunta de Galicia a renovación da cesión do Padroado da Fundación da Escola Agrícola Pedro Murias. De xeito moi acertado en 1991 foi asinado un convenio entre a Xunta e o Concello para a cesión á Xunta durante 25 anos das instalacións e terreos dese centro. Iso expirou no 2016 a pesar das reiteradas comunicacións formais desta alcaldía aos distintos conselleiros de Medio Rural. É unha evidencia que o que podería ser un centro referencial para o medio rural, non xa en toda a comarca, senón en todo o país, está a funcionar a mínimos, nunha situación de inacción, cando non sendo utilizado para cuchipandas varias que nada teñen que ver co Medio Rural nin co que Galicia necesita”.
Fernando Suárez dixo: “por iso queremos que se renoven estes órganos porque temos moito que propoñer e moito que aportar: Sen ir mais lonxe deberase facer unha infraestrutura colectiva de transformación que facilite as esixencias sanitarias ás persoas produtoras contando cun rexistro sanitario; ou formación continuada ao longo do ano, ou poñer en valor toda esas aulas de lácteos que están esmorecendo sen case uso. Necesitamos que a Escola Pedro Murias, responda ao que o seu fundador quixo hai máis de cen anos. Esiximos que se cumpran as normas, e ofrecemos lealdade e colaboración para facelo”.
Mocións e outros acordos
O rexedor sinalou que “aprobamos unha moción coa abstención do PP para pedirlle á Xunta que teña en conta as lexítimas reivindicacións do persoal que forma parte do Consorcio da Igualdade e dos Servizos Sociais en todo o país e que aquí en Ribadeo desempeña magnificamente a xestión do Centro de Día A Concordia. Tamén concretamos por unanimidade o espazo público con que se lembrará ao ribadense, bo e xeneroso, de Víctor Moro Rodríguez. Así acordamos que a parte do Peirao de Porcillán desde o baixo relevo de Calvo-Sotelo até o restaurante San Miguel, pase a chamarse Peirao de Porcillán Víctor Moro Rodríguez. E logo no apartado de Rogos e Preguntas, coma sempre foron atendidos todos os que son positivos e produtivos e foron matizados ou explicados aqueles outros que resultan moi difíciles de cumprir”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
