Os populares cren que “o goberno da Deputación debería ter actuado xa” e, polo tanto, urxen a mellorar a canalización e drenaxe da vía “de forma inmediata” para evitar que volva inundar a vivenda na época de fortes chuvias
Lugo, 30 de agosto de 2023. “O bigoberno provincial desatende cuestións básicas que prexudican directamente aos veciños da provincia”, segundo considera o voceiro do Grupo Provincial Popular, Antonio Ameijide. O portavoz comprobou -acompañado pola vicevoceira, Carmen José López, o deputado mariñán José María Fernández e o alcalde de Mondoñedo, Manolo Otero- que “aínda non foron capaces de reparar a canalización de augas pluviais nunha das marxes da estrada provincial LU-P- 3103, a pesar de que a súa rotura provocou a inundación dunha vivenda próxima á Escola de Santa María Maior o pasado 1 de xaneiro”.
Os populares condenan a “deixadez do goberno que preside Tomé que prexudica aos veciños de concellos gobernados polo Partido Popular”. Dende o Grupo Provincial Popular consideran que a canalización se debería ter reparado: “dende xaneiro tiveron tempo dabondo para xestionar esta necesaria actuación que se puido levar a cabo aproveitando a ausencia de choivas no verán”.
Ameijide urxe a dar solución a este problema “de forma inmediata” para evitar que na época de fortes chuvias, cando a canalización ten que soportar grandes volumes de auga do drenaxe da estrada provincial e a auga que recolle toda a superficie da estrada “volva inundar unha vivenda na zona da Escola de Santa María Maior”. Polo tanto, dende o Grupo Provincial Popular piden que a canalización teña capacidade suficiente para conducir o gran caudal de auga que recolle dende as estradas situadas no máis alto e, ademais, que se constrúa un novo tramo evitando que pase por debaixo da vivenda que resultou afectada pola inundación tras romper a canalización poucos metros antes.
Por outra banda, “o parque móbil da Deputación non aparece para nada polas estradas do termo municipal de Mondoñedo” o que os populares consideran “outro exemplo de discriminación aos Concellos con gobernos do Partido Popular”; xa que “aos concellos veciños de Lourenzá e Trabada van con frecuencia”.
MAL ESTADO DAS VÍAS PROVINCIAIS
Os populares tamén advirten da necesidade de reparar o pavimento nesta vía que conecta Lindín coa LU-124 en Santa María Maior, entre este último núcleo e o lugar de Braña. Igualmente, o rexedor local apunta outras deficiencias nas estradas provinciais ao seu paso polo termo municipal de Mondoñedo como é o caso da LU-P-3105 onde “falta por ensanchar un tramo de 400 metros”. E, entre outras vías nas que é conveniente renovar o firme, nomea a LU-P-3108 (Viloalle-Figueiras) que nos últimos tres quilómetros se atopa en moi mal estado, igual que o tramo da LU-P-0211 (Adelán – Figueiras) ao seu paso polo termo municipal mindoniense.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
