Pilar García Porto: “Con esta iniciativa, buscamos poñer en valor o noso patrimonio natural, cultural e histórico, ofrecendo aos nosos veciños e veciñas a oportunidade de redescubrir os recunchos máis fermosos da nosa provincia”
Lugo, 3 de setembro de 2024. A Deputación de Lugo vén de arrancar este martes a segunda quenda de viaxes da cuarta edición do programa Coñece a túa provincia. Faranse excursións gratuítas dun día os martes, mércores, xoves e venres, nas que participarán preto de 1.600 persoas de 69 entidades da provincia ata o 31 de outubro.
As primeiras entidades en desfrutar desta nova quenda de viaxes son a asociación de veciños Alexandre Bóveda Paradai, de Lugo, e a asociación veciñal Penas de San Xoán de Alaxe, do Valadouro. Os da capital visitaron o Mazo de Santa Comba e achegáronse a Sober e Monforte de Lemos, mentres que o colectivo mariñán coñeceu o traballo que se leva a cabo na Granxa Gayoso Castro, e o concello de Negueira de Muñiz.
O Coñece a túa provincia vai xa pola súa cuarta edición, dividida en dúas quendas. A primeira desenvolveuse durante a primavera, entre os meses de xuño e xullo, e contou con 250 viaxeiros de 11 asociacións. Agora arranca a segunda, que se prolonga ata finais de outubro, e están anotadas un total de 1.587 persoas de 69 colectivos de toda a provincia.
A Deputación continúa con este programa gratuíto, que desde a súa posta en marcha no mandato pasado, ten sido un éxito rotundo temporada tras temporada, tanto na participación como no impacto positivo para os sectores económicos da hostalería e o comercio nos municipios nos que se realizan as viaxes. Ademais, promóvese a actividade en meses nos que os negocios e recursos turísticos teñen menos fluxo de visitantes, o que dinamiza este sector tan importante para a economía da provincia de Lugo.
A iniciativa provincial está dirixida a asociacións e colectivos sen ánimo de lucro de toda a provincia e consiste en viaxes gratuítas, en pequenos grupos, dunha xornada de duración por diferentes puntos da xeografía lucense seguindo diversas rutas polo patrimonio natural, histórico, cultural e gastronómico.
O programa Coñece a túa Provincia inclúe, de balde, o transporte para os traslados de ida e volta dende o lugar ou lugares de orixe, póliza de seguros de viaxeiros, menú de xantar, e entradas e visitas a diferentes lugares de interese da provincia de Lugo. Estas visitas realízanas profesionais que contan coa habilitación de guía oficial de turismo de Galicia e persoal de atención ao público nos diferentes museos, empresas ou obradoiros sinalados nos itinerarios do programa.
Turismo de proximidade
A Deputada de Réxime Interior, Promoción do Territorio e Turismo, Pilar García Porto, subliñou a importancia deste programa, que “representa unha aposta firme da Deputación por impulsar o turismo de proximidade. Con esta iniciativa, buscamos poñer en valor o noso patrimonio natural, cultural e histórico, ofrecendo aos nosos veciños e veciñas a oportunidade de redescubrir os recunchos máis fermosos da nosa provincia”.
“Queremos que os nosos veciños e veciñas coñezan e gocen das paisaxes, rutas, e tradicións que fan única a nosa terra, converténdose en embaixadores do noso destino turístico. Este programa non só fomenta o orgullo e a identidade local, senón que tamén ten un impacto directo no apoio á economía dos pequenos negocios e establecementos do rural, que dependen do turismo para o seu desenvolvemento”, afirma García Porto.
Nas palabras da Deputada de Turismo, en tempos nos que o turismo de proximidade cobra máis relevancia que nunca, “o Coñece a túa provincia é unha oportunidade excepcional para dinamizar o sector, garantindo que a nosa riqueza turística chegue a todos os recunchos e xerando un efecto positivo en toda a provincia. Ademais, esta iniciativa está pensada para ser inclusiva, accesible para todas as idades e adaptada a diferentes intereses, desde o turismo natural ata o cultural ou o gastronómico”.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
