Ribadeo, 11 de febreiro de 2025. O Salón dos Alcaldes acolleu a recepción ofrecida polo Concello de Ribadeo a catro deportistas locais: Héctor Peña, Valeria Álvarez, Pedro Moirón e Iván Lindín polos éxitos conseguidos ao longo de 2024.
Héctor Peña Díaz foi subcampión de España de Tao Lu equipos sénior mixto Chi-Kung coa selección galega; bronce no Campionato de España de Tai-Chi Tao Lu veterano D1 mixto 35-50 mano vacía; e bronce no Campionato de España de Tiu Shou sénior masculino 90 kg pie fijo.
Valeria Álvarez Fojo foi sexta no Campionato de España de remo absoluto feminino e sétima en sub 23 no mesmo campionato.
Pedro Moiron Soto acadou o 5° posto no Campionato de España sub14 de triatlón B (1.000m., salto de lonxitude e lanzamento de xavelina).
E Iván Lindín Rodil foi Campión de España de armas olímpicas 50 metros na modalidade R7 (carabina 3 posicións); Campión de España armas olímpicas 10 metros na modalidade R1 (carabina aire en pé); Subcampión de España armas olímpicas 10 metros na modalidade R3 (carabina aire tendido); e subcampeón de España de armas deportivas 50 metros na modalidade R6 (carabina tendido).
Xunto aos deportistas estiveron o alcalde, Daniel Vega, os concelleiros de Deportes e Igualdade, Francisco José Silvent e Begoña Sanjurjo, e o técnico de Deportes, Iván López. O rexedor felicitounos e ofreceulles a colaboración do Concello “para todo aquilo que poidades precisar”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
