Burela, 9 de novembro, 2019. O Pescados Rubén Burela FS non puido dar a sorpresa na pista do todopoderoso FC Barcelona (7-2). Aguantaron os de Juanma Marrube ata o ecuador da primeira parte con 2-0; tras o descanso os galegos puideron reducir a vantaxe coa aposta de porteiro xogador con 5-2, aínda que os blaugranas, letais, contraatacaron con dúas dianas máis.
Aplicouse en defensa o equipo de Juanma Marrube co debut de M. Kaluza baixo paus na Liga, que tamén se converteu no regreso da Xoia Laranxa, Pitero, tras once meses apartado das pistas -desde o encontro fronte a Barcelona B en decembro de 2018- por unha pubalxia.
Os mariñáns contiveron o perigo do campión ata o minuto 10, cun disparo exterior de Arthur fronte a Álex Diz. Ferrao, nunha asistencia precisamente de Arthur, subiu o segundo blaugrana no 12. Salvaron os galegos a inferioridade tras a expulsión de Lucho e apostaron por Everton con xogo de cinco no último cuarto da primeira parte. Juanfran e o propio Everton probaron fortuna sobre a rede blaugrana nos últimos segundos, aínda que sen éxito.
Sergio Lozano ampliou ata o 4-0 nos minutos 25 e 26 en pases de Ferrao. Os burelistas recuperaron a aposta de cinco, con Álex Diz, a falta de 12 para o final, tras o quinto, de Arthur. Así chegou o primeiro do Pescados Rubén, rozando a segunda parte, en estratexia, de Luisma. En menos dun minuto subiu o segundo para os burelistas, con Álex Diz empuxando ao segundo pau, un pase longo de Renato. A pugna entre Ferrao e Renato fronte a Kaluza desde balón parado caeu ao lado local no 32 para subir o 6-2. Sergio Lozano selou o hattrick no 35.
Ficha técnica
FC Barcelona: Dídac, Boyis, Sergio Lozano, Ferrao, Joselito, cinco inicial; tamén xogaron Rivillos, Dyego, Roger, Aicardo, Adolfo, Arthur
Peixes Rubén Burela FS: M.Kaluza, Luisma, Pope, Everton, Álex Diz, cinco inicial; tamén xogaron Renato, Joselito, Loito, Matamoros, Juanfran, Pitero
Goles: 1-0, minuto 10, Arthur; 2-0, minuto 12, Ferrao; 3-0, minuto 25, Sergio Lozano; 4-0, minuto 26, Sergio Lozano; 5-0, minuto 28, Arthur; 5-1, minuto 30, Luisma; 5-2, minuto 31, Álex Diz; 6-2, minuto 32, Ferrao (p.p. Renato); 7-2, minuto 35, Sergio Lozano
Árbitros: Alonso Montesinos // Santander Flamarique. Por Barcelona amarela a Dyego (minuto 5), Rivillos (minuto 24), Sergio Lozano (minuto 35). Por Burela dobre amarela a Lucho (minuto 12 e 13).
Incidencias: Partido correspondente á xornada 8 de Primeira LNFS disputado no Palau Blaugrana
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
