Ribadeo, 13 de novembro de 2020. Acisa colabora coa agrupación de Cáritas Ribadeo na localidade nunha recollida solidaria de alimentos para Nadal. Máis de 30 establecementos asociados participan nesta iniciativa que se prolongará ata mediados de decembro.
O xerente de Acisa, Jesús Pérez, explicou que “se trata dunha iniciativa que poñemos en marcha en colaboración coa agrupación de Cáritas de Ribadeo e consiste nunha recollida solidaria de alimentos. A campaña comezou hoxe mesmo e prolongarase ata o segundo fin de semana de decembro”.
O presidente da Asociación de Comerciantes, Industriais, Servizos e Autónomos, Francisco Iriarte, dixo que “desde Acisa levamos meses pensando na maneira de poder colaborar de forma activa cos máis necesitados. Son momentos difíciles, nos que hai moita xente que agora mesmo non ten ingresos, que perdeu o traballo ou que os seus ingresos se viron drasticamente reducidos. A iniciativa basease en que todo aquel veciño ou veciña de Ribadeo que o desexe, pode levar aos máis de trinta puntos de recollida, unha pequena colaboración en forma de alimentos para que posteriormente Cáritas os reparta entre as persoas que o precisen”.
Pérez sinalou que “segundo nos din desde Cáritas, o que se necesita son alimentos básicos non perecedoiros como pasta, arroz, conservas, legumes, cacao, leite cun marxe longo de caducidade, potitos, galletas, cereais ou aceite”.
Francisco Iriarte manifestou que “se trata dunha iniciativa solidaria que non nos costa nada facela e coa que podemos axudar a moitas persoas. Chega o Nadal e todos podemos poñer o noso grao de area. Agora que comezaremos a mercar para Nadal, lembremos a quen máis o necesita e axudémoslle con algo tan básico como son os alimentos”.
O xerente de Acisa engadiu que “os establecementos nos que se poden depositar alimentos son: Mercería y Confección Susana Moreira, Apartamentos Escuder, Gasóleos Abelleira, Mercería Torviso, Panadería Torviso, Hotel Loriente – Cayo Coco, Araucaria Gastronómico, El Rincón del Gordo, Phonergy, Ginzo Hombre–Mujer, Kids & Us, Bar Queimada, Faro Norte Comunicación, Opticalia, Xardineo, Mika, Cafetería Breogán, Goia´s, Ribamueble, Esprit, Sanjurjo, For Friends, R23, Pepa Peineta, Farmacia Álvarez Lebredo, Linares, Anais, Galipizza, Xeito, Sargadelos, La Moda Joven e La Lira”.
Acisa Ribadeo colabora con Cáritas nunha recollida solidaria de alimentos para nadal
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.